Lointek Gernikak garaipena lortu du Flammes Caroloren etxean
Lointek Gernika Bizkaiak irabazi egin du Flammes Caroloren aurka (58-69) asteazken honetan Frantzian jokatu duen Eurokopako multzoen faseko hirugarren jardunaldiko partida.
H multzoko beste neurketan, La Roche Vendeek garaipena lortu du Virtus Boloniaren kontra (66-88). Ondorioz, La Roche Vendee da liderra, hiru partidatik hiru irabazita, Lointek Gernika bigarren dago (bi garaipen eta porrot bat), Flammes Carolo (garaipen bat eta bi porrot) hirugarren, eta Virtus Bolonia dago azken postuan, hiru partidatik hiru galduta.
Hasiera ona eman dio Lointek Gernikak partidari sei puntuko errenta lortuta (4-10), baina etxeko taldeak azkar erantzun du, eta puntu batera gerturatu da (9-10). Ondoren, parekatuta joan da neurketa, baina Flammes Carolo aurretik jarri da markaigailuan lehen laurdenaren azken txanpan (17-14). Gernika-Lumoko taldeak, ordea, puntu bateko desabantailarekin (17-16) amaitu du lehen laurdena.
Bigarren laurdenaren hasieran, bi taldeetako batek ere ez du lortu zuloa irekitzea (20-20 eta 22-22). Frantziako taldeak lau puntuko abantaila (26-22) erdietsi ostean, Lointek Gernikak ondo erantzun du, eta aurretik jartzea lortu (26-27). Hala ere, atsedenaldira iristeko minutu bat falta zenean, etxeko taldeak zazpi puntuko errenta (37-32) eskuratu du. Mario Lopezek zuzentzen duen taldeak amaiera ona eman dio laurdenari, eta norgehiagoka frantziarren aldeko 39-37ko emaitzarekin heldu da atsedenaldira.
Hirugarren laurdenean, parekotasuna izan da nagusi, eta horren erakusgarri da neurketa berdinduta iritsi izana laurdeneko azken minutuetara (47-47). Amaierako laurdena berdinduta hasiko zutela ematen zuen, baina Lointek Gernikak saskiratzea sartu du azken segundoan, eta aurretik jarri da markagailuan (51-53).
Laugarren eta azken laurdenaren hasieran, Flammes Carolok partida berdindu du (53-53), baina hortik aurrera Lointek Gernika nagusitu da jokoan. Bizkaiko taldeak 0-12ko partziala lortu, eta garaipena bideratuta utzi du (53-65). Azken hiru minutuak bikain kudeatu ditu euskal taldeak, eta, ondorioz, garaipena lortu du (58-69).
Fitxa teknikoa:
58.- Flammes Carolo (17+22+12+7): Akhator (8), Bouderra (12), Mendy (13), Diallo (7), Pouye (-); Milapie (-), Berkani (12), Fiebich (2) eta Sy-Diop (4).
69.- Lointek Gernika Bizkaia (16+20+17+16): Ariztimuño (-), Buch (1), Bjorklund (18), Ginzo (11), Moore (7); Brcaninovic (17), Silva (7), Alberdi (-) eta Arrojo (8).
Partzialak: 17-16, 39-36 (atsedenaldia), 51-53 eta 58-69 (amaiera).
Epaileak: Gavin Williams (Erresuma Batua), Tamas Földhazi (Hungaria) eta Arnoud Christian van Bochove (Herbehereak). Milapie eta Bouderra kanporatu dituzte, bosna falta egin dituztelako.
Zure interesekoa izan daiteke
Lointek Gernikak lehen fasean bere borreroa izan zen Pecs garaitu du kanporaketako lehen partidan (62-43)
Bizkaitarrek aise irabazi dute kanporaketako lehen neurketa, datorren asteazkenean Hungariako Lauber Dezso Sport Hall kantxan jokatuko den itzulerako norgehiagokarako 19 puntuko abantaila lortuz.
Lointek Gernikak Universitas Pecsen aurka jokatuko du Eurokopako play-offeko lehen kanporaketan
Lucas Fernandezen taldeak etxean jokatuko du joaneko partida, Malosten, abenduaren 11n, eta itzuliko neurketa, Pecsen, abenduaren 18an izango da. Lointek Gernikak eta Universitas Pecs bi aldiz aritu dira nor baino nor gehiago, fase erregularrean.
Lointek Gernikak sufritu eta galdu egin du Ramlaren aurka, baina averageari eutsi dio eta bigarren sailkatu da
Lucas Fernandezek zuzentzen duen taldea atzetik izan da markagailuan ia norgehiagoka osoan zehar eta une batzuetan abantaila galtzetik gertu egon da, baina azkenean bere sailkapena ziurtatzeko adina hurbildu da.
Lointek Gernikak aurreneko kolpea eman du Sofian eta Elitzur Ramlari irabazi dio lehen neurketan (65-81)
Talde bizkaitarra atzetik joan da markagailuan lehen laurdenaren amaieran, baina gainerako partzialetan nagusi izan da sailkapenaren helburuan lehen urratsa emateko.
Gernika KESB taldeak Sofian jokatuko ditu Elitzur Ramlaren aurkako Europako bi partidak
Bizkaiko taldeak adierazi duenez, Bulgarian jokatuko ditu, ateak itxita, Israelgo taldearen aurkako EuroCup Women ligako neurketak.
Lointek Gernikak ezin izan du Universitas Pecsen aurka, Malosten (63-66)
Oso berdinduta izan den partidan, bi taldeek izan dute irabazteko aukera, baina, azkenean, Lucas Fernandezen jokalariek ezin izan dute mendean hartu C multzoko liderra.
Lointek Gernikak azken laurdenean erabaki du partida Portugalen
Lucas Fernadezen taldeak Eurokopako lehen fase honetako bigarren garaipena eskuratu du, sasoiko lehena etxetik kanpo.
Lointek Gernika Bizkaiak Sara Krnjic pibot serbiarra fitxatu du
193 zentimetroko altuera duen Krnjicek Serbiako ligan hasi du denboraldia, baina azkenengo urteak Hungariako ligan eman ditu.
Lointek Gernikak azken hatsean galdu du NKA Pécsen aurka (62-60)
Azken segundoan egindako saskiratzeak zapuztu du euskal taldearen garaipena, Hungarian, emozioz beteriko amaiera batean.
Lointek Gernikak nagusitasunez hasi du Eurokopa Uniao Sportivaren aurka (82-61)
Bizkaiko taldeak sekulako debuta sinatu du Malosten, eta hasieratik amaierara arte menderatu du Portugaleko taldea.