Gernika Bizkaiak Bielorrusian irabazi du (52-57)
Lointek Gernika Bizkaiak Eurokopako final-zortzirenetara sailkatzeko bidean lehen urratsa eman du gaur, Bielorrusiako Tsmoki-Minskel taldea gainditu eta gero (52-57).
Norgehiagoka Minsken (Bielorrusiako hiriburua) jokatu da, eta lortutako 5 puntuko aldea defendatu beharko dute bueltako partidan.
Nogaye Lo Sylla pibota izan da Bizkaiko taldeko jokalaririk nabarmenena. Balearretakoak 14 puntu, 7 errebote eta 19ko balorazioa pilatu ditu. Berarekin batera bikain jardun duten beste bi jokalari Julie Wojta hegaleko estatubatuarra (7, 12 eta 20) eta Nikolina Milic bosniarra (13 eta 8) izan dira.
Etxekoen aldetik, bere bi pibot nagusien jarduna nabarmendu da: Oderah Chidom (15, 8 eta 27) eta Viktoryia Hasper (11, 5 eta 15).
Neurketa oso parekatua izan da, baina Mario Lopezerenak aurretik joan dira ia beti. Bisitariak 40-50 aurreratu dira azken laurdenean, eta bazirudien dena erabakita zegoela. Aitzitik, etxekoak suspertu egin dira, eta 11 eta 2ko partzialarekin puntu bakarrera hurbildu dira. Gainera, aurretik jartzeko aukera ere izan dute, baina ez dute asmatu hiruko jaurtiketa.
Ondoren, Gernikak berriro heldu dio aginte-makilari, eta norgehiagoka bereganatzeko abilezia erakutsi du.
Bueltako partida urtarrilaren 9an izango da, Gernikako Maloste kiroldegian, eta EiTBk zuzenean eskainiko du lehia hori.
Fitxa teknikoa
52 - Tsmoki-Minsk (16+11+9+16): Lenka Bartakova (5), Rachel Theriot (12), Ala Murauskaya (4), Viktoryia Hasper (11) eta Katsiaryna Rybalka (2) -hasierako bostekoa-; Yauheniya Stsiapanava, Kseniya Vabishchevich (3) eta Oderah Chidom (15).
57 - Lointek Gernika (16+12+13+16): Ocete (3), Dietrick (10), Wojta (7), Arrojo (4) eta Milic (13) -hasierako bostekoa-; Ariztimuño, Molina (3), Mazionyte, Naiara Diez (3) eta Nogaye Lo (14).
Partzialak: 16-16, 27-28 (atsedenaldia); 36-41 eta 52-57 (amaiera).
Epaileak: Mindaugas Vecerskis (Lituania), Jonas Bille (Dnimarka) eta Sergii Tyslenko (Ukraina). Ez dute inor kanporatu.
Zure interesekoa izan daiteke
Lointek Gernikak agur esan dio Europari Villeneuven, partida estu baten ostean (83-81)
Lointek Gernika Bizkaia emakumezkoen Eurokopatik at geratu da final-zortzirenetako itzulerako partidan Villeneuve-d'Ascqen, egungo txapeldunaren pistan 83-81 galdu ostean.
Villeneuve d 'Ascqek nagusitasunez irabazi dio Lointek Gernikari (62-85)
Lointek Gernika Bizkaiak Emakumezkoen egungo txapeldunaren aurka jokatu du Eurokopako partida gogor batean. Joaneko partidan kanporaketa oso aldapa gora jarri zaio talde bizkaitarrari.
Aaronette Vonleh pibotak Lointek Gernikaren barneko jokoa indartuko du
Estatu Batuetako jokalaria Hozono Global Jairis taldetik dator, denboraldia amaitu arte.
Lointek Gernika nagusitu da 2025eko azken euskal derbian, IDK Euskotren 80-75 garaituta
Bizkaiko taldeak, atzetik aurrera eginda, partida irauli, eta mendean hartu du Gipuzkoakoa, Endesa Ligako 13. jardunaldiko partidan.
Lointek Gernikak Villeneuve d 'Ascq txapeldunaren aurka neurtuko ditu indarrak final-zortzirenetan
Frantziako taldea egungo txapelduna eta berriro irabazteko hautagai nagusia da. Joaneko partida urtarrilaren 15ean jokatuko da, ostegunean, Malosten, eta itzulikoa 22an, ostegunean, Frantzian.
Lointek Gernika 19 puntuko errenta galtzeko zorian izan da Pecsen aurka Hungarian, baina sailkatzea lortu du, ozta-ozta
Lucas Fernandezen jokalariak markagailuan atzetik ibili dira partida osoan zehar, eta ikaragarri sufritu dute hurrengo faserako txartela lortzeko.
Lointek Gernikak lehen fasean bere borreroa izan zen Pecs garaitu du kanporaketako lehen partidan (62-43)
Bizkaitarrek aise irabazi dute kanporaketako lehen neurketa, datorren asteazkenean Hungariako Lauber Dezso Sport Hall kantxan jokatuko den itzulerako norgehiagokarako 19 puntuko abantaila lortuz.
Lointek Gernikak Universitas Pecsen aurka jokatuko du Eurokopako play-offeko lehen kanporaketan
Lucas Fernandezen taldeak etxean jokatuko du joaneko partida, Malosten, abenduaren 11n, eta itzuliko neurketa, Pecsen, abenduaren 18an izango da. Lointek Gernikak eta Universitas Pecs bi aldiz aritu dira nor baino nor gehiago, fase erregularrean.
Lointek Gernikak sufritu eta galdu egin du Ramlaren aurka, baina averageari eutsi dio eta bigarren sailkatu da
Lucas Fernandezek zuzentzen duen taldea atzetik izan da markagailuan ia norgehiagoka osoan zehar eta une batzuetan abantaila galtzetik gertu egon da, baina azkenean bere sailkapena ziurtatzeko adina hurbildu da.
Lointek Gernikak aurreneko kolpea eman du Sofian eta Elitzur Ramlari irabazi dio lehen neurketan (65-81)
Talde bizkaitarra atzetik joan da markagailuan lehen laurdenaren amaieran, baina gainerako partzialetan nagusi izan da sailkapenaren helburuan lehen urratsa emateko.