Lointek Gernikak Perfumerias Avenidaren etxean abiatuko du gaur Eurokopa
Lointek Gernika Bizkaiak Perfumerias Avenida izango du aurrez aurre gaur, Eurokopan izango duen hirugarren parte-hartzearen estreinaldian. Bizkaitarrak 20:30ean kantxaratuko dira Salamancako Würzburg pabiloira, txapelketako lehen garaipenaren bila.
Mario Lopezek entrenatzen duen taldea F multzoan dago murgilduta, eta Perfumerias Avenida (Espainia), Uni Gyor (Hungaria) eta Olivais FC (Portugal) izango ditu bertan aurkari.
Hasiera gogorra izango da gernikarrentzat, Salamancakoak Endesa Ligako egungo liderrak baitira, eta 13 denboraldi daramatzatelako Euroligan lehiatzen.
Dena den, Lointek Gernikak sasoi onean helduko dio norgehiagoka honi, hiru garaipen lortu baititu Ligako lehen lau jardunaldietan (Al-Qazeres, Casablanca eta Bembibre) eta porrot bakarra (Tenerife).
"Eurokopak hazten jarraitzeko eta denboraldi hasierako akatsak leuntzeko balio behar digu. Aurkari zaila dugu, baina haien aurka ahalik eta ondoen lehiatzen saiatuko gara", nabarmendu du Mario Lopez entrenatzaile gernikarrak.
Lopezek deialditik kanpo utzi behar izan du taldean dituen hiru jokalari estatubatuarretako bat, eta min hartuta dagoen Margaret Roundtree hegaleko pibotari egokitu zaio oraingoan. Beraz, Julia Wojta eta Blake Dietrick hautatuko ditu neurketa honetan Europako Batasunetik kanpoko fitxa duten bi jokalarien postuak betetzeko.
Klubak jakitera eman duenez, Roundtreerekin batera, Naiara Diez geratu da Salamancara bidaiatu gabe, "familia arazoak" direla medio.
Europako etxeko partidak, EiTBn
Aurreko denboraldian bezala, EiTBk zuzenean eskainiko ditu Lointekek etxeko talde gisa Eurokopan jokatuko dituen neurketa guztiak. ETBn eta eitb.eus-en izango dira ikusgai.
Horrenbestez, txapelketako bigarren jardunaldian, urriaren 23an (20:00), ikusi ahalko da Lointekek Malosten jokatuko duen lehendabiziko neurketa, eta Hungariako Uni Györ taldearen aurkakoa.
Ondoren, Perfumerias Avenida (azaroak 7) eta Olivais (abenduak 5) taldeen kontrako norgehiagokak ere, EiTBn ikusi ahal izango dira.
Zure interesekoa izan daiteke
Lointek Gernikak agur esan dio Europari Villeneuven, partida estu baten ostean (83-81)
Lointek Gernika Bizkaia emakumezkoen Eurokopatik at geratu da final-zortzirenetako itzulerako partidan Villeneuve-d'Ascqen, egungo txapeldunaren pistan 83-81 galdu ostean.
Villeneuve d 'Ascqek nagusitasunez irabazi dio Lointek Gernikari (62-85)
Lointek Gernika Bizkaiak Emakumezkoen egungo txapeldunaren aurka jokatu du Eurokopako partida gogor batean. Joaneko partidan kanporaketa oso aldapa gora jarri zaio talde bizkaitarrari.
Aaronette Vonleh pibotak Lointek Gernikaren barneko jokoa indartuko du
Estatu Batuetako jokalaria Hozono Global Jairis taldetik dator, denboraldia amaitu arte.
Lointek Gernika nagusitu da 2025eko azken euskal derbian, IDK Euskotren 80-75 garaituta
Bizkaiko taldeak, atzetik aurrera eginda, partida irauli, eta mendean hartu du Gipuzkoakoa, Endesa Ligako 13. jardunaldiko partidan.
Lointek Gernikak Villeneuve d 'Ascq txapeldunaren aurka neurtuko ditu indarrak final-zortzirenetan
Frantziako taldea egungo txapelduna eta berriro irabazteko hautagai nagusia da. Joaneko partida urtarrilaren 15ean jokatuko da, ostegunean, Malosten, eta itzulikoa 22an, ostegunean, Frantzian.
Lointek Gernika 19 puntuko errenta galtzeko zorian izan da Pecsen aurka Hungarian, baina sailkatzea lortu du, ozta-ozta
Lucas Fernandezen jokalariak markagailuan atzetik ibili dira partida osoan zehar, eta ikaragarri sufritu dute hurrengo faserako txartela lortzeko.
Lointek Gernikak lehen fasean bere borreroa izan zen Pecs garaitu du kanporaketako lehen partidan (62-43)
Bizkaitarrek aise irabazi dute kanporaketako lehen neurketa, datorren asteazkenean Hungariako Lauber Dezso Sport Hall kantxan jokatuko den itzulerako norgehiagokarako 19 puntuko abantaila lortuz.
Lointek Gernikak Universitas Pecsen aurka jokatuko du Eurokopako play-offeko lehen kanporaketan
Lucas Fernandezen taldeak etxean jokatuko du joaneko partida, Malosten, abenduaren 11n, eta itzuliko neurketa, Pecsen, abenduaren 18an izango da. Lointek Gernikak eta Universitas Pecs bi aldiz aritu dira nor baino nor gehiago, fase erregularrean.
Lointek Gernikak sufritu eta galdu egin du Ramlaren aurka, baina averageari eutsi dio eta bigarren sailkatu da
Lucas Fernandezek zuzentzen duen taldea atzetik izan da markagailuan ia norgehiagoka osoan zehar eta une batzuetan abantaila galtzetik gertu egon da, baina azkenean bere sailkapena ziurtatzeko adina hurbildu da.
Lointek Gernikak aurreneko kolpea eman du Sofian eta Elitzur Ramlari irabazi dio lehen neurketan (65-81)
Talde bizkaitarra atzetik joan da markagailuan lehen laurdenaren amaieran, baina gainerako partzialetan nagusi izan da sailkapenaren helburuan lehen urratsa emateko.