Lointek Gernikak Eurokopako lehen garaipena lortu du (79-67)
Lointek Gernika Bizkaiak Eurokopako multzoen faseko lehen garaipena eskuratu du asteazken honetan, CMB Cargo Uni Györ Hungariako taldea Malosteko kiroldegian 79-67 garaitu ostean.
Horrenbestez, aurreko jardunaldian UniGironaren aurka 80-57 galdu eta gero, hurrengo fasera sailkatu ahal izateko berebiziko garrantzia duen garaipena erdietsi dute bizkaitarrek gaurkoan. Izan ere, hungariarrak F multzoko beste taldeari, hau da, Clube Uniao Sportiva talde portugaldarrari, irabazita heldu dira Gernikako kantxara.
Mario Lopezek zuzentzen dituen jokalariak lehen zati on batean hasi dira bideratzen garaipena. Tarte horretan, etxekoek 12 puntuko aldea lortu dute (29-17); dena den, Gyorrek hamar puntura jaitsi du aldea atsedenaldira heltzean (48-38).
Dena den, bizkaitarren garaipenaren gako nagusia hirugarren laurdenean lortu duten 16-6ko partziala izan da. Gernikarrek 20 puntuko abantaila hori kudeatu du azken hamar minutuetan. Bisitariak azken ahalegina egin dute, eta bederatzi puntura hurbiltzeko gai izan dira (74-65), apenas zegoen astirik beste ezertarako.
Valeriya Berezhynska pibot ukrainarra (19 puntu eta 5 errebote), Jazmon Gwathmey hegaleko puertorricoarra (18 eta 4) eta Blake Dietrick eskolta estatubatuarra (12 eta 6) izan dira etxekoen aldetik jokalari nabarmenenak. Gyorreko taldeari dagokionez, Artemis Spanou (20 eta 7) izan da zenbaki onenak egin dituen jokalaria.
Multzoen faseko hirugarren jardunaldian, azaroaren 7an, Lointek Gernikak Azore uharteetara egingo du hegaz, Clube Uniao Sportiva talde portugaldarren aurka jokatzeko.
Zure interesekoa izan daiteke
Lointek Gernikak lehen fasean bere borreroa izan zen Pecs garaitu du kanporaketako lehen partidan (62-43)
Bizkaitarrek aise irabazi dute kanporaketako lehen neurketa, datorren asteazkenean Hungariako Lauber Dezso Sport Hall kantxan jokatuko den itzulerako norgehiagokarako 19 puntuko abantaila lortuz.
Lointek Gernikak Universitas Pecsen aurka jokatuko du Eurokopako play-offeko lehen kanporaketan
Lucas Fernandezen taldeak etxean jokatuko du joaneko partida, Malosten, abenduaren 11n, eta itzuliko neurketa, Pecsen, abenduaren 18an izango da. Lointek Gernikak eta Universitas Pecs bi aldiz aritu dira nor baino nor gehiago, fase erregularrean.
Lointek Gernikak sufritu eta galdu egin du Ramlaren aurka, baina averageari eutsi dio eta bigarren sailkatu da
Lucas Fernandezek zuzentzen duen taldea atzetik izan da markagailuan ia norgehiagoka osoan zehar eta une batzuetan abantaila galtzetik gertu egon da, baina azkenean bere sailkapena ziurtatzeko adina hurbildu da.
Lointek Gernikak aurreneko kolpea eman du Sofian eta Elitzur Ramlari irabazi dio lehen neurketan (65-81)
Talde bizkaitarra atzetik joan da markagailuan lehen laurdenaren amaieran, baina gainerako partzialetan nagusi izan da sailkapenaren helburuan lehen urratsa emateko.
Gernika KESB taldeak Sofian jokatuko ditu Elitzur Ramlaren aurkako Europako bi partidak
Bizkaiko taldeak adierazi duenez, Bulgarian jokatuko ditu, ateak itxita, Israelgo taldearen aurkako EuroCup Women ligako neurketak.
Lointek Gernikak ezin izan du Universitas Pecsen aurka, Malosten (63-66)
Oso berdinduta izan den partidan, bi taldeek izan dute irabazteko aukera, baina, azkenean, Lucas Fernandezen jokalariek ezin izan dute mendean hartu C multzoko liderra.
Lointek Gernikak azken laurdenean erabaki du partida Portugalen
Lucas Fernadezen taldeak Eurokopako lehen fase honetako bigarren garaipena eskuratu du, sasoiko lehena etxetik kanpo.
Lointek Gernika Bizkaiak Sara Krnjic pibot serbiarra fitxatu du
193 zentimetroko altuera duen Krnjicek Serbiako ligan hasi du denboraldia, baina azkenengo urteak Hungariako ligan eman ditu.
Lointek Gernikak azken hatsean galdu du NKA Pécsen aurka (62-60)
Azken segundoan egindako saskiratzeak zapuztu du euskal taldearen garaipena, Hungarian, emozioz beteriko amaiera batean.
Lointek Gernikak nagusitasunez hasi du Eurokopa Uniao Sportivaren aurka (82-61)
Bizkaiko taldeak sekulako debuta sinatu du Malosten, eta hasieratik amaierara arte menderatu du Portugaleko taldea.