Surne Bilbao Basket irabazle atera da gaur Badalonan, Asisa Joventut 78-81 menderatuta, azken jokaldira arte erabaki ez den norgehiagokan. Darrun Hilliardek 17 puntu, 3 errebote eta 3 asistentzia lortu ditu. Hirugarren laurdenean, Bilboko taldeak 29 puntu sartu ditu, eta funtsezkoak izan dira Endesa Ligako laugarren garaipena lortzeko.
Beltzezko gizonak garaipenetik gertu egon dira, izan ere, azken laurdenean bederatzi puntuko aldea irauli dute. Azkenean, baina, galdu egin dute Albaren aurka.
Surne Bilbao Basketek garaipena lortu du Miribillan, MoraBanc Andorra menderatuta (88-76). Joan den astean Real Madrilen aurka jasandako porrot gogorra atzean utzita, Bilboko taldeak Endesa Ligako hirugarren garaipena lortu du. Martin Krampelj izan da beltzezko gizonen saskiratzaile nagusia, 20 puntu egin baititu. Hona hemen partidaren laburpena.
Bideo honek Endesa Ligako laugarren jardunaldian izandako bost jokaldi onenak biltzen ditu; ikusgarriena Stefan Joksimovic Kosner Baskoniako jokalariak egin du.
Jaume Ponsarnauren taldeak 119-84 galdu du Real Madrilen aurka, merengeen kantxan. Madrilgo taldeak hasieratik hartu du partidaren agintea, eta bere nagusitasunari eutsi dio azkenera arte. Bilbao Basketek ez du aurkariaren erritmoa eteteko modurik aurkitu. Sergio Llull beteranoak 19 puntu sartu ditu. Hona hemen partidaren laburpena.
Krampelj eta Hlinason eskarmentu handiko jokalarien energia eta Normantas eta Petraseken babesan une garrantzitsuenetan nahikoa izan dira Slavia borrokalaria gainditzeko.
Bideo honek Endesa Ligako hirugarren jardunaldian jokatutako bost jokaldi onenak biltzen ditu.
Surne Bilbaok landutako garaipena lortu du Recoletas Salud San Pablo Burgos taldearen aurka (96-87). Partida oso orekatua izan da, eta etxekoek lan egin behar izan dute, azken laurdenean 12 puntuko desabantaila berdindu duen aurkari oldarkor baten erresistentzia gainditzeko.
Vautierrek (19 puntu eta 8 errebote) Jaume Ponsarnauren taldearen garaipena gidatu du. Jokatzeko prest zeuden hamaika jokalariak ekiteko lan egiteko prest kantxaratu dira, lehendabizi abantaila hartzeko, eta, ondoren, une garrantzitsuenean, Igokea gelditzeko.
Ponsarnauren hitzetan, Nenad Stefanovicek "oso ondo entrenatutako" aurkaria da Igokea. "Badaki zertan jokatu nahi duen, eta ekarpena egin dezaketen jokalari asko ditu", ohartarazi du entrenatzaile kataluniarrak.
Beltzezko gizonek 9 puntuko aldea irauli dute azken laurdeneko azken minutu eta erdian Darrun Hilliardek azken segundoan hirukoa sartuta. Bigarren luzapena behartzeko zorian ere izan dira, baina azken jaurtiketa huts egin dute.
Norgehiagoka 91-88 zegoela, eta jokatzeko bi segundo eta hamarren bat gelditzen zirela, Harald Freyk albotik atera du, Darrun Hilliardi eman dio, eta horrek, aurrean hiru aurkari zituela, hiruko jaurtiketa egin, eta saskiratze ikusgarria lortu du. Hala, neurketa luzapenean erabaki da.
Jarraitu zuzenean Endesa Ligako Leyma A Coruña vs Bilbao Basket partidaren emanaldia.
Tryggvi Hlinason Surne Bilbao Basketen kapitainarekin bildu gara. Islandiarra oso pozik dago Bilboko klubean eta "polita den zerbaiten alde borrokatzen den kluba" izateko lanean ari da. Beltzezko gizonek pasa den denboraldian ACB Ligako play-offetara iristea lortu zuten, eta hori errepikatzeko gogoa dute. Gainera, aurten BCLn ere lehiatuko dira.
Surne Bilbaok garaipen sendo batekin hasi du Endesa Liga Miribillan, Kids & Us Manresaren aurka (107-92). Jaume Ponsarnauren taldea ondo aritu da erasoan, barneko jokoan harrapatuta ikusi den aurkariaren aurka.
Surne Bilbao Basketek larunbat honetan ekingo dio Endesa Ligari Bilbao Arenan, Kids&Us Manresaren aurka. Iazko arrakastak errepikatzeko erronkarekin, Jaume Ponsarnauren mutilek entrenatzailearen mantra berria izango dute gidari denboraldi berrian: "Lan eta lan".
Datorren larunbatean Miribillan Manresaren aurka hasiko den Endesa Liga abiatu aurreko komunikabideen egunean, Manex Ansorregi Surneko jokalariak azpimarratu du "taldea gogo handiarekin" dagoela, eta "denboraldi ona" izango dela, "segurutik".
Beltzezko gizonak babesleen eta erakundeetako ordezkarien aurrean aurkeztu dira. Bilboko taldeak Endesa Liga eta Basketball Champions League uztartuko ditu denboraldi honetan.
Bilbotarrek talde gisa entrenamenduetan ordu gehiago sartu dituztela erakutsi dute hainbat jokalari falta izan zaizkion Baskoniaren aurka. Arabarrek talentuari heldu diote partidan bizirik jarraitzeko.
Surne Bilbao Basketek Nate Darlingen aurkezpen ofiziala egin du. Eskolta kanadarrak "taldea jokoan sartzea" gustuko duela adierazi du eta "bere estiloa aldatzen" joango dela aurkaria ezagutu ahala. (Bideoa gazteleraz)
