Surne Bilbaok gutxienez zazpi puntuz irabazi behar du gaur PAOK Salonikaren aurka, Miribillan, FIBA Europa Kopa bigarrenez irabazteko
Partida 20:00etan hasiko da, Miribillan, eta kirolakeitb.eus-ek eta ETB!ek zuzenean emango dute. Surne Bilbaoren pabiloia erabat beteta izango da, euskal taldea bultzatzeko.
Pantzar, 2025eko finaleko itzuliko partidako jokaldi batean. Argazkia: EFE.
Surne Bilbaok PAOK Salonikaren aurka jokatuko du gaur Bilbao Arenan, Miribillan, 2025-2026 denboraldiko FIBA Europa Kopako finaleko itzuliko partidan, eta gutxienez zazpi puntuz irabaztea du helburu, Grezian aurreko astean izandako emaitza irauli eta Europa mailako titulu bat bigarrenez eskuratzeko, jarraian gainera. Neurketa 20:00etan hasiko da, eta kirolakeitb.eus-ek eta ETB1ek zuzenean emango dute; Surne Bilbaoren pabiloia erabat beterik izango da, euskal taldea bultzatzeko.
Palatakin izandako emaitza 79-73koa izan zen, eta, hortaz, aukera guztiak zabalik daude; 2025ean ez bezala, finala Miribillan erabakiko da, alegia, Surne Bilbaoren hamar mila bat zaleren aurrean.
Etxean jokatzea, berez, abantaila izan liteke Surne Bilbaorentzat, baina Jaume Ponsarnauren taldeak antsietatea ondo kudeatu beharko du. Aurkaria oso sendoa da; finalaurrekoetan, UCAM Murtzia utzi zuen txapelketatik at, eta Murtzian, itzulikoan, emaitza bera defendatu zuen, 79-73, hain zuzen ere.
Breein Tyree antolatzaileak eta Patrick Beverley eskoltak 43 puntu sartu zituzten, bien artean, joanekoan; horiek dira PAOK Salonikako jokalaririk arriskutsuenak, erasoan. Grezian, Surne Bilbao estu ibili zen, partidako minutu batzuetan; orain, Ponsarnauk jokalari guztiak ditu prest, eta bat deialditik kanpo utzi beharko du.
Helburua gauzatuko balu, Surne Bilbaok bigarren aldiz jarraian lortuko luke titulua; hori ez du inork orain arte egin, txapelketako historian, duela hamaika urte hasi zen jokatzen FIBA Europa Kopa. Bilboko klubak “fanzone” bat jarriko du, 18:00etatik aurrera, eta Bizkaiko taldeko jokalariak 17:30etik 18:30era bitartean iritsiko dira Bilbao Arenara.
Zure interesekoa izan daiteke
2.000 lagunek ikusi ahalko dute Surne Bilbao-PAOK Salonika partida Bizkaia Frontoian, Miribillan
Bilbao Arenatik oso hurbil, Miribillan baita ere, talde bizkaitarra bere historian bigarren aldiz FIBA Europa Kopa irabazten saiatuko da bertan, 2025ean lortu ondoren, 2.000 zale inguruk txapelketa erabakiko duen partida ikusi ahalko dute.
Ponsarnau, FIBAko finalaren aurrean: “Opari ona litzateke niretzat eta jende guztiarentzat”
Jaume Ponsarnauk PAOK Salonikaren aurkako finala aztertu du. Bere urtebetetzea izanik, berarentzat eta zaleentzat opari ona izango litzatekeela esan du.
Jaworski: “Neurketa mota hauetan protagonista izan nahi dut"
"Ederra izango litzateke irabaztea. Europan nire lehen txapelketa izango litzateke eta oso harro egongo nintzateke. Pertsonalki ez dut lortu nituen helburu guztiak betetzea, baina asko gustatzen zait nola dabilen taldea. Partidak irabazten ari gara eta hori da garrantzitsuena", azaldu du saskiratzaile estatubatuarrak.
Pantzar: “Miribilla infernua izatea behar dugu"
Surne Bilbao Basketeko jokalari suediarrak aldagelan "lasai" daudela esan du. Iragan astean Palatakin egindako akatsak zuzendu eta gutxienez zazpi puntugatik irabazteko helburua dute beltzezkoek, FIBA Europako Kopa berriro altxatzeko.
Mikel Odriozola, Bilbao Basket: “Egun handietako Miribilla espero dugu”
Mikel Odriozola Bilbao Basketen entrenatzaile laguntzaileak taldea nola dagoen azaldu du, asteazkeneko hitzordu handiaren atarian. Izan ere, FIBA Europe Cupeko finalaren itzulikoa jokatuko dute beltzezko gizonek Miribillan, PAOK Salonikaren kontra.
Jaume Ponsarnau, itzuliko partidaz: “Lan gogorra dugu, mailarik onena eman beharra dugu”
Surne Bilbaok sei puntuz galdu du, 79-73, FIBA Europa Kopako joaneko neurketan. Norgehiagoka amaituta, Jaume Ponsarnau entrenatzaileak nabarmendu du titulua Miribillan erabakiko dela, “gure jendearekin”.
Justin Jaworski: “Garaipena lortzea gustatuko litzaiguke, baina erdia falta da”
Surne Bilbaok sei puntuz galdu du, 79-73, Salonikan, PAOK aurkari, FIBA Europa Kopako joaneko partidan; hala, euskal taldeak markagailua irauli beharko du Miribillan, datorren asteazkenean.
Finalaren itzulikoa irauli beharko du Surne Bilbaok, Mirbillan, galdu egin baitu joaneko partida, Salonikan (79-73)
Ponsarnauren taldeak partida osoa eman du markagailuan atzetik, Palatakin, biko jaurtiketen portzentaje txarrak baldintzatuta. PAOKen aldeko koskarik handiena 12 puntukoa izan da, baina puntu bakarrko aldea ere izan da.
Zuzenean: FIBA Europe Cup txapelketaren finaleko joaneko partida, PAOK Salonikaren eta Bilbao Basketen artean
Ikusi, gaur, apirilak 22, 18:15etik aurrera, PAOK Salonikaren eta Surne Bilbao Basketen arteko FIBA Europe Cupeko finalaren joaneko partidaren zuzeneko emanaldia, Greziatik. Saioa 17:50ean hasiko da ETB1en, atariko batekin, eta partida streaming bidez jarraitu ahal izango da kirolakeitb.eus eta ETBOn atarien bidez.