Bilbao Basketek porrotarekin ekin dio Txapeldunen Ligari
RETAbet Bilbao Basketek porrota jaso du Pinar Karsiyakaren aurka 72-81eko emaitzarekin eta ez dio ondo ekin Txapeldunen Ligari. Hasiera kaskarra eman dio partidari talde bizkaitarrak eta amaiera ere ez da ona izan.
Aaron Jonesek sartu du partidako lehen saskiratzea. Hala ere, Karsikaya nagusi izan da hasieran (2-8, 5-11 eta 12-19), nahiz eta Bilbao Basketek neurketa berdintzea lortu duen lehen laurdenaren azken txanpan (19-19). M'Bayek lehen hamar minutuen amaieran sartu dituen bi jaurtiketa libreek bi puntuko errenta eman diote talde bisitariari (19-21).
Bigarren laurdena lehenengoaren antzerakoa izan da. Ia laurden osoan zehar aurretik ibili da Karsikaya, eta Bilbao Basketek atsedenaldira iristeko minutu gutxi falta zienean erantzun du, emaitza irauliz (46-42).
Bazirudien atsedenaldiaren ostean Bavinen nagusitasuna ikusta, talde bizkaitarrak zuloa irekiko zuela (48-42, 59-53), baina M'Bayek desabantaila murriztea lortu du, eta Kennedyk laurdenaren amaieran sartutako saskiratzeak puntu bakarrera gerturatu du Turkiako taldea (63-62).
Serron eta Jaroslaw Zyskowski jokalarien lanari esker Bilbao Basketek aurretik mantentzea lortu du azken laurdenaren hasierako bi minutuetan. Ondoren, ordea, Alex Mumbruk zuzentzen duen taldearen jokoak txarrera egin du, asko kosta zaio aurkariaren ate aurrean asmatzea, eta ezin izan dituzte Yunus Sonsima eta Morgan Karsiyakako jokalariak gelditu. Taylorrek amaieran sartutako saskiratzeak turkiarren garaipena biribildu du (72-81).
Fitxa teknikoa:
72 - RETAbet Bilbao Basket (19+27+17+9): Rousselle (5), Serron (13), Zyskowski (3), Aaron Jones (10) eta Dos Anjos (4) -hasierako taldea-; Hakanson (3), Kjlajic, Jaylon Brown (4), Alex Reyes (9), Kulboka (7) eta Balvin (14).
81 - Pinar Karsiyaka (21+21+20+19): Tony Taylor (14), Seck Henry (6), Birsen (4), Yildirim eta Raymar Morgan (14) -hasierako taldea-; Sonsirma (8), DJ Kennedy (10), M'Baye (17), Erdem (8) eta Bitim.
Epaileak: Dariusz Zapolski (Polonia), Martin Vulic (Kroazia) eta Paulo Marques (Portugal). Kanporaturik gabe.
Zure interesekoa izan daiteke
Surne Bilbaok alferrik galdu du 14 puntuko errenta Burgosen (96-88)
San Pablo Burgosek mendean hartu du Surne Bilbao Basket larunbat honetan, Endesa Ligako 21. jardunaldian. Bilboko taldeak 14 puntuko errenta izan du hirugarren laurdena bukatzean (61-75), baina ez du aprobetxatzen jakin.
Harald Freyek giharretako haustura du
Surne Bilbaoko jokalariak Recoletas Salud San Pablo Burgosen aurkako partida ezin izango du jokatu, hurrengo larunbatean.
Jaume Ponsarnau Surne Bilbaoren historian partidarik gehien zuzendu duen bigarren entrenatzailea izango da larunbatean
San Pablo Burgosen aurka, entrenatzaileak bere 184. partida ofiziala zuzenduko du. Hala, Fotis Katsikaris aurreratuko du, eta zerrendan soilik Txus Vidorreta izanen du aurretik; azkeneko horrek 331 partidatan zuzendu zuen euskal taldea.
Surne Bilbaok luzapenean irauli du Kanaria Handiaren aurkako partida (97-98)
Surne Bilbao Basketek Kanaria Handiari irabazi zion Endesa Ligako 19. jardunaldiari zegokion atzeratutako partidan (97-98), luzapeneko minutuetan partida iraulita.
Surne Bilbaok PAOK menderatu du, lehen postuan sailkatu da, eta Turkiako Petkim Spor izango du aurkari final-laurdenetan
Beltzezko gizonak Salonikara itzuli dira, duela hamar hilabete txapela ekarri zien Greziako hirira, eta puntu bakarreko aldearekin lortu dute garaipena (87-88) azken laurdenean, ia partida osoa markagailuan atzetik egon ondoren.
Surne Bilbaok multzoko lehenengo postua ziurtatu nahi du FIBA Europa Kopan, asteazkenean, Salonikan, PAOKen aurka
Partida 16:30ean hasiko da, eta kirolakeitb.eus-en eta ETB4ren bitartez emanen da, zuzenean. Euskal taldeak garaipena edo 22 puntu baino gutxiagoko aldez galtzea lortzen badu, multzoko lehenengo sailkatua izanen da txapelketaren bigarren fasean.
Surne Bilbao Basketek seigarren garaipena jarraian lortu du Zaragozan 82-84 irabazita
Surne Bilbao Baskete Casademont Zaragozari gailendu zaio larunbat honetan (82-84) eta seigarren partida jarraian irabazi du Endesa Ligan. Partida orekatua jokatu dute bi taldeek eta etxekoek irabazteko aukera izan dute azken momentura arte.
Surne Bilbaok aise menderatu du Prievidza (93-51), eta Salonikan izango du jokoan multzoko lehen postua
Jaume Ponsarnauren taldeak azken zortzi partidak irabazi ditu, FIBA Europa Kopa eta Endesa Liga kontuan izanik. Eslovakiako taldearen aurka, Surne Bilbaok ez du arazorik izan garaipena eskuratzeko.
Surne Bilbaok bolada onari eutsi dio Joventut garaituta (80-76)
Surne Bilbaok Joventut garaitu du Miribillan (80-76), hasieratik amaierara mendean izan duen partidan, eta zazpigarren garaipena jarraian eskuratu du horrela; horietako bost, Endesa Ligan.
Jaume Ponsarnau, Endesa Ligako entrenatzaile onena urtarrilean
Surne Bilbaok lau garaipen jarraian lortu ditu hilabete honetan; horrela, entrenatzailea hoberena izan da.