Baskoniak sendo irabazi dio Maccabi Tel Avivi (89-82)
Baskonia sendo batek Euroligako play-inari heldu dio ostiral honetan, Maccabi Tel Avivi 89-82 irabazita. Bere armarik onenetako bat hiruko jaurtiketak izan dira.
Norgehiagoka abiadura handian hasi da, eta bi taldeak ondo abiatu dira. Chima Moneke oso garrantzitsua izan da bere taldeak Israelgo taldeari eusteko, lehen zatian 18 puntu lortu baititu.
Bigarren laurdenaren hasiera ere antzekoa izan da, baina Baskonia hiruko jaurtiketak baliatzen hasi da, Markus Howardek urruneko hiru jaurtiketa gauzatu ditu, eta, horrela, 51-42 joan dira atsedenaldira.
Baskoniak partida behin betiko hausteko hainbat aukera izan ditu, eta Markus Howarden hiru puntuko bosgarren saskiratzeak 73-59koa jarri du markagailuan, azken laurdenaren faltan.
Bisitariak euren aukerei heltzen ahalegindu dira. Tim Luwawu-Cabarroten hiruko batek, hala ere, arnasa eman die etxekoei, aurkariak gertuen zeudenean. Maccabi ezin izan da gehiago hurbildu, eta frantziarrak partida itxi du, 89-82ko emaitza jarrita markagailuan.
Fitxa teknikoa:
89 - Baskonia (22+29+22+16): Forrest (7), Baldwin (5), Luwawu-Cabarrot (20), Moneke (18) eta Samanic (7) -hasierako bostekoa-; Rogkavopoulos (8), Howard (17), Sedekerskis (2) eta Hall (5).
82 - Maccabi Tel-Aviv (23+19+17+23): Blatt (11), Randolph (13), Shayok (10), Sorkin (16) eta Williams (12) -hasierako bostekoa-; DeJulius (10), Dibartolomeo (-), Remco (3), Rayman (-), Rivero (4) eta Cohen (3).
Epaileak: Sreten Radovic (Kroazia), Piotr Pastusiak (Polonia) eta Tomasz Trawicki (Polonia). Ez dute inor kanporatu.
CONTENIDO NO ENCONTRADO
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.