Baskoniak Asvel Villeurbanne menderatu du, 94-80, Codi Miller-McIntyrek historia egin duen partida batean
Baskoniak Asvel Villeurbanne menderatu du, 94-80, Buesa Arenan, ostegun gauean, 2023-24 denboraldiko Euroligako hogeita seigarren jardunaldian. Garaipen hori zenbatuta, Dusko Ivanovicen taldeak hamalau partida ditu irabazita txapelketan, eta sailkapeneko zortzigarren postura igo da. Neurketa Codi Miller-McIntyrek markatu du, Baskoniako antolatzaile-eskoltak historia egin baitu; izan ere, Miller-McIntyrek Euroligako asistentzia marka haustea lortu du, 20 emanda, eta, hori gutxi balitz bezala, hiru doblea erdietsi du, 11 puntu sartu eta 11 errebote hartu baititu. Guztira, 42 izan du balorazioan.
Baskoniak hasieratik izan du markagailua kontrolpean. Aurkariak, azken sailkatua bera, ezin izan du Youssoupha Fall eta Nando De Colo kantxaratu, eta, halaber, ez du batere asmatu kanpoko jaurtiketan; hogei aldiz saiatu dira hiruko saskiratzeak sartzen, eta soilik bitan gauzatu dituzte. Aurreneko minutuetan, bi taldeek izan dute erraztasuna erasoan, eta euskal taldea ondo aritu da kanpotik; segituan hasi da Baskonia hamar bat puntuko aldea hartzen, eta atsedenaldian emaitza 52-39koa zen. Miller-McIntyrek sartu du azken saskiratzea, eta lehen zatian hamabi asistentzia eman ditu.
Dusko Ivanovicen taldea eroso ibili da hirugarren laurdenean; Baskonia aurretik zihoan, argi, baina zailtasunak zituen defentsako errebotea ixteko. Nabaria zen Baskoniak bide onetik zeramala partida, baina azken laurdena gelditzen zenean abantaila ez zen oso handia, 71-61 zihoan norgehiagoka.
Laurden erabakigarrian, festa iritsi da Buesa Arenara, Codi Miller-McIntyrek 20. asistentzia eman duenean; izan ere, Baskoniako jokalariak Euroligako marka hautsi du. Codi Miller-McIntyre izan da gako nagusia partidan, ezin hobeto aritu baita.
Fitxa teknikoa
94 - Baskonia (23+29+19+23): Miller-McIntyre (11), Howard (18), Rogkavopoulos (3), Diez (8) eta Kotsar (8) -hasierako boskotea-, Raieste (6), Chiozza (-), Marinkovic (12), Theodore (-), Costello (14), Hrabar (-) eta Moneke (14).
80 - Asvel Villeurbanne (20+19+22+19): Lee (6), Jackson (14), Lighty (7), Thomas (5) eta Lauvergne (16) -hasierako boskotea-, Scott (9), Kahudi (2), Ndiaye (8), Dallo (-), Yaacov (11) eta Luwawu-Cabarrot (2).
Epaileak: Ilija Belosevic (Serbia), Uros Nikolic (Serbia) eta Piotr Pastuasiak (Polonia). Ez dute inor kanporatu.
Gertakizunak: Euroligako hogeita seigarren jardunaldiko partida, Gasteizko Fernando Buesa Arenan.
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.