Markagailua irauli ezinda, Makabiren aurka galdu du Baskoniak (89-81)
Baskoniak hirugarrenez jarraian porrot egin du, gaurkoan, Belgraden, Euroligako hamabosgarren jardunaldiko partida orekatu baten ostean, Makabi Tel Aviv mendean hartu ezinda. Israelgo taldeak gogor borrokatu du partida irabazteko, eta gasteiztarrek ez dute aurkariaren azken konpasak jarraitzen jakin, nahiz eta Markus Howardek erakustaldia eman duen.
Aleksandar Nikolic kantxan, Belgraden erbesteratuta eta ateak itxita, 14-7ko partzialarekin hasi dira etxekoak Josh Neboren bultzadari esker eta Wade Baldwin IV.aren hiruko batekin amaituta. Baina laster erantzun du talde gasteiztarrak, eta Markus Howard izan da lidergoa hartu duena.
Jarraian sartutako bi hirukok 18-12kotik 18-18kora aldatu dute markagailua, eta parez pare segitu dute aurrera James Webb III.aren lehen saskiratzeak lehenengo laurdenari amaiera eman dion arte (22-22). Horren aurrean, Makabi indarrez erantzun du, eta 11 puntuko abantaila izan du (41-30) atsedenalditik 5:35era.
Hala ere, Howardek kargu hartu du eta, beste bi hiruko jarraian sartuta, taldekide batzuk batu zaizkio kontraerasoari, hala nola Maik Kotsar, Tadas Sedekerskis eta Vanja Marinkovic, eta haien arteko elkarlanari esker distantziak neutralizatu dituzte (47-47). Are, etenaldirako aurrea hartu dute gasteiztarrek (47-49).
Aldageletatik bueltan Baskoniaren momenturik onenak ikusi dira, tartea 47-53ra arte handituta Marinkovicen hiruko baten eta Khalifa Diopen jaurtiketa libre baten ondoren. Hala ere, Tel Aviveko taldea berehala gerturatu zaio Baskoniari, Baldwin IV.aren eskutik.
Urruneko saskiratzeei Roman Sorkinen lana batu zaie, eta Tamir Blatten hiruko batek egoera irauli du (60-59). Howardek erantzun du gero, arkuaz bestaldetik ere bai.
Codi Miller-McIntyk bere taldea Makabitik gertu mantentzeko Howardekin bat egin du 30. minutuan (68-67). Hala ere, urruneko jaurtiketan bolbora busti egin da euskal koadroan, eta hainbat aldiz puntu bakarrera jarri da (70-69, 72-71, 75-74, 77-76), baina "sorpassora" iritsi ezinean.
Webb III.aren bi jaurtiketa librek eta Neboren beste bik, honen beste saskiratze batekin batera, neurketa erabaki du (89-79) Makabiren alde. Moneke beranduegi atera da eta Baskoniak porrota bere egin du, 8-7ko balantzearekin 'play-in'ean.
Fitxa teknikoa:
89 - Makabi Tel Aviv (22+25+21+21): Baldwin IV (10), Brown (2), Colson (12), Cohen (-), Nebo (17) -hasierako bostekoa-, Cleveland (3), Webb III (17), Sorkin (14), Rivero (6) eta Blatt (8).
81 - Baskonia (22+27+18+14): Miller-McIntyre (10), Marinkovic (16), Díez (-), Sedekerskis (15) eta Kotsar (6) -hasierako bostekoa-, Chiozza (-), Rogkavopoulos (4), Howard (19), Diop (3) eta Moneke (8).
Epaileak: Matej Boltauzer (Eslovenia), Milivoje Jovcic (Serbia), Vasiliki Tsaroucha (Grezia). Kotsar kanporatu dute falta pertsonalengatik (38. min). Falta teknikoa adierazi diete Baldwini (29. min) eta Browni (38. min).
Gorabeherak: Euroligako hamabosgarren jardunaldiko partida, Belgradeko Aleksandar Nikolic aretoan, ateak itxita.
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.