Baskoniak Izar Gorria hartu du mendean (87-85), eta goraka jarraitzen du Europan
Baskoniak Izar Gorria gainditu du ostiral honetan, Euroligako hamahirugarren jardunaldian, eta gora egiten jarraitzen du Europan; izan ere, Dusko Ivanovic arabarren aulkira bueltatu zenetik neurketa bakarra galdu du txapelketa horretan.
Rokas Giedraitis Baskoniako jokalari ohiak partida bikaina jokatu arren (24 puntu sartu, 6 errebote harrapatu eta 24ko balorazioa lortu), gasteiztarrek eutsi egin diote serbiarren azken bultzadari, nahiz eta bisitariek berdindu egin duten lehia bederatzi segundoren faltan. Haatik, Tadas Sedekerskisek gauzatutako bi jaurtiketa librek hiru puntuak Buesa Arenan geratzea ahalbidetu dute. Lituaniarra izan da etxekoen aldetik jokalaririk nabarmenena, 18 puntu, 8 errebote eta 24ko balorazioarekin.
Baskoniak asko sufritu du aurkariaren erasoko errebotearekin, Belgradekoek 20 baloi eskuratu baitituzte etxekoen uztaipean; dena den, ez diete utzi markagailuan aurretik jartzen norgehiagoka guztian zehar.
Horrenbestez, gasteiztarrek sailkapeneko laugarren postura egin dute jauzi, 8 partida irabazita eta 5 galduta. Hori bai, Baskonia bosgarren postuan dagoen Monakorekin berdinduta dago.
Fitxa teknikoa:
87 - Baskonia (26+26+15+20): Miller-McIntyre (4), Marinkovic (9), Díez (2), Sedekerskis (18) eta Kotsar (6) –hasierako bostekoa–; Chiozza (2), Raieste (-), Rogkavopoulos (14), Howard (17), Diop (-) eta Moneke (15).
85 - Izar Gorria (18+25+19+23): Teodosic (13), Nedovic (7), Lazarevic (2), Davidovac (-) eta Bolomboy (14) –hasierako bostekoa–; Giedraitis (24), Lazic (9), Tobey (5), Mitrovic (8) eta Dos Santos (3).
Epaileak: Jakub Zamojski (Polonia), Robert Vyklicky (Txekia), Steve Bittner (Alemania). Bolomboy kanporatu dute, 5. falta adierazita (40. min). Falta teknikoa adierazi diete Marinkovic (16. min) eta Howard (28. min) etxeko jokalariei.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.