Baskoniak etxean ekingo dio Euroligari, Real Madrilen aurka
Baskoniak etxean abiatuko du aurtengo Euroliga, urriaren 6an, Real Madril egungo txapeldunaren aurka. Fase erregularreko azken neurketa, berriz, Sergio Scarioloren Virtusen kontra jokatuko du, 2024ko apirilaren 12an, astearte honetan argitaratutako egutegi ofizialaren arabera.
Ondoren, bigarren jardunaldian, Alba Berlin izango du aurrean, urriaren 12an; hirugarren neurketan, Pablo Lasoren Bayern Munich hartuko du etxean. Aste berean, beste partida bat jokatuko du, Fernando Buesa Arenan hori ere, Zalgirisen kontra.
Hurrengo hitzordua azaroaren 15erako dago aurreikusita, Bartzelonaren aurka. Lehen itzuliko hirugarren neurketan, Valentziara bidaia egingo dute abenduaren 1ean, Joan Peñarroyak gidatutako jokalariek
Fase erregularrean etxean izango duten azken norgehiagoka Darius Thompsonen Anadolu Efesen aurka jokatuko du Baskoniak, 2024ko martxoaren 28an. Jarraian, hiru egunetan beste bi partida zehaztu dituzte egutegian, Partizan eta Zalgiris aurkari dituela.
Play-in, playoffetako kanporaketen aurreko berrikuntza
Zortzi jardunaldi bikoitz izango dira aurtengo Euroligan. Dena den, play-in izeneko jardunaldiak gehitu dituzte fase erregularraren amaieran, apirilaren 16tik 19ra, eta hori da nobedade nagusia.
Fase erregularrean zazpigarren eta zortzigarren geratzen diren taldeek partida bakarrean jokatuko dute playoffetareko sailkapena. Garaileak bigarrenaren aurka jokatuko du final laurdenetan.
Bederatzigarren eta hamargarren lekuan geratzen direnek, bestalde, ere gauza bera egingo dute. Hau da, elkarren aurkako neurketa irabazten duenak zazpigarrenaren eta zortzigarrenaren arteko partidako galtzailea izango du aurrean. Horko irabazlea lehen sailkatuarekin arituko da.
Zure interesekoa izan daiteke
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", berretsi du Galbiatik.
Tadas Sedekerskisek Kosner Baskoniako zaleekin abestu du "Ikusi Mendizaleak"
Lituaniako jokalaria euskararekin animatu da, eta euskal kanta ospetsua abestu du.
Gasteizek bere txapeldunei harrera beroa egin die zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniako entrenatzaile italiarra zeremonia-maisu izan da, eta Sedekerskis kapitaina 'Ikusi mendizaleak' abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Hau izan da Kosner Baskoniaren omenezko aurreskua
Kosner Baskoniak Errege Kopan lortutako garaipenaren ospakizunean, aurreskua dantzatu da txapeldunen omenez; Algara Dantza Taldea, bere 25. urteurrenean, horretaz arduratu da.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.
Baskoniaren zazpigarren Kopak utzitako hainbat bitxikeria: hamar jokalarik egin dute debuta, eta horietako bat, Forrest, MVP
Baskoniak 2009tik ez zuen Kopako finalik jokatzen, eta orduan ere gailendu zen; 73 urtean, soilik Unicajak eta Gasteizko taldeak menderatu dituzte Bartzelona eta Real Madril Kopa batean. Trent Forrestek bereganatu du MVP saria; duela 17 urte lortu zuen hori azkenekoz Baskoniako jokalari batek, Teletovicek, hain zuzen.