Ezusteko porrota jaso du Baskoniak Joventuten aurka, eta kantxa-faktorea galdu du (91-99)
Baskoniak galdu egin du Badalonako Joventuten aurka Endesa Ligako final-laurdenetako kanporaketan jokatutako lehen partida. Gasteiztarrak, bigarrenak liga erregularrean, zazpigarren izan den Joventuten atzetik ibili dira ia partida osoan.
Carles Duranen taldean erabakigarria izan da Kyle Guy estatubatuarraren jokoa, 36 puntu egin ditu hegaleko estatubatuarrak, eta Vladimir Brodzianskyrena, biei esker, bigarren laurdenaren hasieran 16 puntuko aldea izan dute kataluniarrek markagailuan. Gasteiztarrak beti atzetik joan dira, aurreikuspenek faborito eman arren, eta ez dira batere fin ibili Fernando Buesako kantxan.
Aldea lehen laurdenean hasi dira zabaltzen Badalonakoak. 16 eta 28ko emaitzarekin amaitu dira lehen hamar minutuak. Bigarren laurdenean, Kyle Guyk beste 11 puntu egin ditu (lehen laurdenean beste) eta Howardekin neurketa osoan izan duen lehia estuarekin jarraitu du.
Nagusitasunari eta aldeari atsedenaldira arte eustea lortu dute Carles Duranen jokalariek (39-48). Tomic ere oso eroso aritu da, Baskoniaren barneko joko ahulak lagunduta. Bigarren zatian, Baskoniak defentsa hobetu du, baina horrek eragin gutxi izan du emaitzan, batez ere, Brodzianskyk egindako lanari esker.
Baina azken laurdenean, arabarrek aldea murriztea lortu dute. 15 puntu atzetik hasi dute laurdena, eta minutu eta erdiren falta bost puntura jarri dira. 10 eta 2ko partzialak Fernando Buesa Arenako ikusleak berpiztu ditu. Howarden eta Guyren arteko lehiak bere horretan jarraitu du, ikusgarri.
Hala ere, Joventutek ondo eutsi dio emaitzari eta garaipena Katalunia aldera joan da 91 eta 99, kantxa-faktorea hautsiz. Final-laurdenetako kanporaketako bigarren partida Badalonan jokatuko dute, asteartean. Hor Baskoniak ezin du hutsik egin.
Fitxa teknikoa
91-. CAZOO BASKONIA: Howard (28), Thompson (12), Giedraitis (13), Costello (6) eta Enoch (-) --hasierako boskotea--; Heidegger, Díez (-), Sedekerskis (14), Marinkovic (11), Hommes (5), Kotsar (2), Kurucs (-).
99-. CLUB JOVENTUT BADALONA: Vives (-), Guy (36), Brodziansky (21), Parra (15) eta Tomic (6) --hasierako boskotea--; Kraag (-), Ellenson (6), Rodríguez (-), Birgander (2), Feliz (13).
PARTZIALAK: 16-28, 23-20, 27-30, 25-21.
EPAILEAK: Conde, Caballero eta Araña. Giedraitis, Vives eta Kraag jokalariak kanporatuak izan dira, falten ondorioz.
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.