Baskonia nagusi izan da Fenerbahçe liderraren etxean (70-76)
Cazoo Baskoniak aste honetako bigarren garaipena lortu du Turkian Fenerbahçe Euroligako liderraren aurka (70-76). Talde gasteiztarrak lehen zatian lortutako 52 puntuetan oinarritu du garaipena, eta 21 punturainoko errentak lortu ditu.
Akatsekin eta Fenerbahçeren intentsitate handiarekin hasi da lehia, Baskonia presionatu duena pista osoan.
Joan Peñarroyak zuzentzen duen taldeak asko sufritu du baloia bere kantxan jartzeko, baina Matt Costellok zortzi puntu jarraian egin ditu, lehen hamar minutuen ostean 13-21ko abantaila lortuz.
Trantsizioek esnatu egin dute euskal taldea, bere abiadurarekin Europako liderra zigortu eta partziala 0-10 azkar itzuliz.
Baskonia 21 puntura jarri da (27-48, 18. minutuan). Fenerbahçe kontraerasoan txikitu du, eta Tadas Sedekerskis eta Pierrià Henry nabarmendu dira. Azken honek 11 puntu egin ditu lehen zatia 33-52 ixteko.
Fenerbahçe indartsu atera da atsedenaldiaren ostean, defentsako erasokortasuna igo du eta Baskoniari kosta egin zaio saskiratzea. 12-4ko partzialarekin, Gasteizko taldeak lehen zatian eraikitakoa dardarka jarri dute etxekoek.
Azken erasoan sartu aurretik lortutako 0-7ko partziala funtsezkoa izan da distantzia mantentzeko (56-67). Bi taldeek asko sufritu dute azken laurdenean eta, aurretik joan arren, Baskoniak ez dio bere erara jokatzeari utzi.
Baina defentsa gasteiztarrak aurrerapausoa eman du erasoan gauzak ondo ez zihoazenean eta aurkariari ondo eutsi dio. Daulton Hommesen bi jaurtiketak garaipena itxi dute, 70-76.
Fitxa teknikoa
70 - Fenerbahce Beko (13+20+23+14): Calathes (11), Guduric (14), Hayes-Davis (-), Birsen (2) y Jekiri (12) -hasierako bostekoa-, Akpinar (-), Pierre (10), Edwards (10), Mahmutoglu (11) eta Booker (-).
76 - Cazoo Baskonia (21+31+15+9): Thompson (4), Marinkovic (5), Giedraitis (-), Hommes (2) y Enoch (9) -hasierako bostekoa-, Henry (13), Howard (15), Sedekerskis (8), Kotsar (10) eta Costello (10).
Epaileak: Borys Ryzhyk (UKR), Gytis Vilius (LTU), Milan Nedovic (SLO). Guduric kanporatu dute falta pertsonalengatik.
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.