Baskonia – Unicaja eta Joventut – Bilbao Basket, Endesa Ligako lehen jardunaldian
Asteazken honetan 2022-23 denboraldiko Endesa Ligako egutegia zozkatu da, eta lehen jardunaldian Baskoniak Unicaja hartuko du Buesa Arenan; Bilbao Basketek, aldiz, Badalonara bidaiatuko du Joventuten aurka aritzeko.
Lehen jardunaldi hori irailaren 28tik 30era bitartean jokatuko da, baina bi euskal taldeen neurketak egun berean izango dira, irailaren 30ean, ostiralean, hain zuzen ere. Arabarrek 19:30ean ekingo diote lehiatzeari; bilbotarrek, ostera, 21:30ean.
Bi euskal taldeen arteko neurketei dagokienez, lehendabizikoa urriaren 30ean iritsiko da, 6. jardunaldiarekin batera. Orduko horretan, Bilbon jokatuko da norgehiagoka (Bilbao Basket – Baskonia), 20:00etan.
Bueltako lehia (Baskonia – Bilbao Basket), ordea, 24. jardunaldian izango da, martxoaren 26an hain justu ere. Derbi hori 17:00etan hasiko da.
Liga erregularra maiatzaren 20 eta 21eko asteburuan amaituko da, maiatzaren 25ean hasiko diren play-offei paso emateko- Aipatu play-off horiek ekainaren 27ra arte iraungo dute gehien jota.
Badalonak Errege Kopa hartuko du otsailaren 16tik 19ra bitartean, eta Superkopak irailaren 24 eta 25eko asteburuan irekiko du saskibaloiko denboraldi ofiziala.
ACB Ligako 1. jardunaldia:
Bàsquet Girona – Real Madril
Fuenlabrada – Coviran Granada
Monbus Obradoiro – Casademont Zaragoza
BAXI Manresa – Lenovo Tenerife
UCAM Murtzia – Río Breogán
Cazoo Baskonia – Unicaja
Coosur Real Betis – Valentzia Basket
Kanaria Handia – Barça
Joventut Badalona – Surne Bilbao Basket
Zure interesekoa izan daiteke
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.
Baskoniak Chris Duarte saskiratzailea sinatu du hurrengo bi denboraldietarako
Talde gasteiztarrak ere agur esan dio ostiral honetan Tim Luwawu-Cabarroti, eta horrek esan nahi du ez duela tanteo eskubidea baliatuko, jokalariak Real Madrilekin akordioa lortu ostean.
Kosner Baskoniak iragarri du Rafa Villarrek ez duela taldean jarraituko
Eskoltak denboraldi bat eman du euskal klubean. 2028ra arteko kontratua zuen, baina ez du jarraituko 2026-2027 denboraldian.
Baskonia-Alaves Taldeak Buesa Arena erosi nahi dio Arabako Foru Aldundiari
Operazioaren epeak eta zenbatekoak ez dituzte jakinarazi, baina Josean Querejeta taldeko presidenteak eta Ramiro Gonzalez ahaldun nagusiak salerosketa gauzatzeko borondate argia azaldu dute.
DJ Stewart, Kosner Baskoniaren lehen fitxaketa
Esloveniako Cedevita Olimpija taldetik dator, eta bi denboraldirako sinatu du.
Forrest, Nowell, Omoruyi, Radzevicius eta Edwardsek ez dute Baskonian jarraituko
Klubak "eskerrak eman dizkie guztiei izan duten konpromisoagatik eta profesionaltasunagatik".
Pablo Pinek entrenatzaile laguntzaile gisa jarraituko du Kosner Baskoniaren aulkian 2027ra arte
Granadako prestatzaileak laguntzaile gisa lur hartu zuen iragan denboraldian, Gasteizen. Baskoniaren hitzetan, lehentasuna izan da "aulkietan eskarmetu handia" duen lantaldeari eustea.