Baskoniak galdu egin du Makabiren etxean, puntu bakarrarengatik (94-93)
Bitci Baskoniak galdu egin du Makabi Tel Aviven aurka puntu bakarrarengatik (94-93) Israelen jokatu duen Euroligako 19. jardunaldiko atzeratutako partida. Euskal taldeak itxura ona eman du, baina ezin izan du aurkaria gainditu.
Ondo ekin dio neurketari Arabako taldeak, lehen saskiratzea lortuta (0-2), eta hasierako minutuetan abantailak erdietsita (2-5, 5-8 eta 8-11). Estreinako laurdena bukatzeko lau minutu falta zirenean, bederatzi puntuko errenta eskuratu du euskal taldeak (10-19). Gasteizkoek lehia kontrolpean zutela zirudien, baina Makabi desabantaila murrizten hasi da, eta puntu bateko abantailarekin amaitu ditu lehen hamar minutuak (28-27), minutu bakarrean lau puntuko aldea (23-27) iraulita.
Bigarren laurdenean, etxeko taldea joan da aurretik markagailuan une oro, baina errenta txikiekin. Neurketako 17. minutuan, zazpi puntuko abantaila hartu du Makabik, eta Baskonia hiru puntura gerturatu da (51-48). Hala ere, bigarren laurdeneko azken minutu eta erdian, Israelgo taldea nagusi izan da, eta Makabiren aldeko 56-50eko emaitzarekin heldu da norgehiagoka atsedenaldira.
Atsedenaldiaren ostean, partida oso parekatua izan da. Bi taldeetako bat ere ez da gai izan markagailuan zuloa irekitzeko, eta hirugarren laurdeneko seigarren minutuan lehia berdindu du Baskoniak (61-61). Laurden honetako amaierako minutuetan, nagusi izan dira Spahijak zuzentzen dituen mutilak, eta aldeko 71-77ko emaitzarekin iritsi dira azken laurdenera.
Parekotasuna izan da nagusi laugarren laurdenean. Neurketako azken minutuetan, Makabi puntu bakarrera gerturatu da (85-86). Bi puntuko abantailarekin iritsi da Baskonia azken minutura (86-88), baina lehia amaitzeko 50 segundo falta zirenean hartu du aurrea etxeko taldeak (89-88). Azkar erantzun dute arabarrek 2+1eko jokaldia baliatuta (89-91), baina partida amaitzeko 30 segundoren faltan Wilbetokek sartu duen hirukoak aurretik jarri du berriro etxeko taldea (92-91). Hurrengo jabetzan, Baskonia ez da gai izan saskiratzea lortzeko, azken segundoetan talde bakoitzak bina puntu erdietsi ditu, eta garaipena israeldarrek eskuratu dute (94-93).
Fitxa teknikoa:
94 - Makabi Tel Aviv (28+28+15+23): Ziv (7), Wilbekin (17), Nunnally (21), Williams (5) eta Zizic (21) –hasierako taldea–; Caloiaro (7), Reynolds (6), DiBartolomeo (8), Cohen (-) eta Blayzer (2).
93 - Bitci Baskonia (27+23+27+16): Baldwin (27), Marinkovic (8), Giedraitis (15), Fontecchio (10) eta Costello (11) –hasierako taldea–; Raieste (-), Sedekerskis (7), Granger (2), Peters (5), Enoch (8) eta Kurucs (-).
Epaileak: Damir Javor (Eslovenia), Uros Obrknezevic (Serbia), Rain Peerandi (Estonia). Falta teknikoa adierazi diote Neven Spahija Baskoniako entrenatzaileari, 39. minutuan.
Zure interesekoa izan daiteke
Pablo Pinek entrenatzaile laguntzaile gisa jarraituko du Kosner Baskoniaren aulkian 2027ra arte
Granadako prestatzaileak laguntzaile gisa lur hartu zuen iragan denboraldian, Gasteizen. Baskoniaren hitzetan, lehentasuna izan da "aulkietan eskarmetu handia" duen lantaldeari eustea.
Felix Fernandezek baieztatu egin du Galbiatik eta Spagnolok taldean jarraituko dutela, Forrestek alde egingo duela eta Cabarrotekin negoziatzen ari direla
Bestalde, Bartzelonak Xevi Pujol idazkari teknikoa fitxatzeko agertu duen interesa "lehia bidegabetzat" jo du Kosner Baskoniaren kirol zuzendariak, "unea egokia ez" delakoan, ACB ligako garaikurra lortzeko play-offa jokatu aurretik izan delako.
Kobi Simmonsek Kosner Baskonian jarraituko du 2028ra arte
Joko-antolatzaile estatubatuarrak denboraldi ona egin du, eta Arabako hiriburuan jarraitzeko aukera eman dio horrek. "Gasteizera iritsi zenetik ezin hobeto egokitu da taldera, eta zaleei gau bikainak eskaini dizkie", azaldu du Baskoniak.
Galbiati: “Nire bizitzako denboraldirik zailena izan da"
Paolo Galbiati Kosner Baskoniako entrenatzaileak aitortu duenez, Endesa Ligako play-offetan Asisa Joventuten aurka galdu ostean, bere bizitzako "denboraldirik zailena" izan da.
Kosner Baskonia Asisa Joventut final-laurdenetako play-offeko hirugarren partidaren laburpena (88-96)
Kosner Baskoniak porrot gogorra jaso du Asisa Joventuten aurka igande honetan (88-96), eta Endesa Ligako play-offetatik kanpo geratu da. Ikusi hemen partidaren laburpena.
Kosner Baskoniak berriro galdu du Joventuten aurka, eta play-offetatik at geratu da (88-96)
Paolo Galbiatik zuzentzen duen taldeak ezin izan du etxean agindu, eta bigarren porrotarekin Endesa Ligako play-offetatik kanpo geratu da.
Asisa Joventut vs Kosner Baskonia final-laurdenetako play-offeko bigarren partidaren laburpena (82-63)
Paolo Galbiatiren taldeak ezin izan du kanporaketa bigarren partidan itxi, eta igandean Buesa Arenan final bat jokatuko du. Gaizki hasi du jokoa Gasteizko taldeak, eta gero ezin izan diote buelta eman partidari. Ikusi hemen partidako laburpena.
Kosner Baskoniak galdu egin du Badalonan (82-63), eta hirugarren partida jokatu beharko du
Paolo Galbiatiren taldeak partida hasiera kaskarra izan du, eta ondo ordaindu du partida osoan. Horrela, kanporaketa Buesa Arenan erabakiko da, igandean.
Kosner Baskonia vs Asisa Joventut final laurdenetako play-offeko lehen partidaren laburpena (85-71)
Paolo Galbiatiren taldeak, Errege Koparen txapeldunak, aurrerapausoa eman du finalerdietara heltzeko, eta ostiralean Badalonako Olinpic pabiloian txartela lortzeko aukera du. Jokalariek behar bezala jardun dute; Timothe Luwawu-Cabarrotek egindakoa nabarmentzekoa da, besteak beste.
Joventutek gogor jardun du baina Kosner Baskoniak eutsi egin dio, eta aurreneko kolpea eman du (85-71)
Galbiatiren gizonek 21-5eko partziala lortu dute oso fisikoa izan den neurketaren azken txanpan. Eugene Omoruyiren eta Matteo Spagnoloren ekarpena berebizikoa izan da Joventuten defentsari aurre egiteko.