Baskonia Bartzelona liderrari nagusitu zaio Buesa Arenan (94-75)
Bitci Baskonia aise gailendu zaio etxean Bartzelona Euroligako liderrari 94 eta 75 lehiaketako 18. jardunaldiko partidan.
Gasteiztarrek bere izaera berreskuratu dute eta hirugarren laurden ia perfektua jokatu dute. 14 hiruko jaurtiketa sartu dituzte, bere maila erakusteko gai izan ez den Bartzelonaren aurka.
Baskoniako sei jokalarik 10 puntutik gora egin dituzte eta azpimarratzekoa da Rokas Giedraitisek egindako lana, 20 puntu eta bost hirukorekin. Simone Fontecchio lituaniarra era Wade Baldwin eta Steven Noch estatubatuarrak ere bikain aritu dira, bigarren zatian bereziki.
Bartzelonak hobeto hasi du partida, saskiratze gehiago eginda, eta horri esker 20 eta 23 gailendu dira lehen laurdenean.
Bigarrenean, bi taldeek joko oso fisikoa egin dute, defentsa jokoa sendotuz eta, ondorioz, erasoan arazo gehiago izan dituzte,. Atsedenaldira 40 eta 34ko emaitzarekin iritsi dira, gasteiztarrak aurretik.
Bigarren zati bikaina
Atsedenaldiaren ostean, gasteiztarrek maila onari eutsi diote eta 22 puntuko aldea ere izan dute hirugarren laurdenean. Amaierarako 10 minuturen faltan, 74 eta 54 nagusi izan dira markagailuan.
Steven Enochek azken laurdenean egindako bederatzi puntuek kataluniarren erreakzioa ekidin du. Liderra jokaldi pertsonalen bidez saiatu da, baina ezer positiborik lortu gabe. Azkenean, garaipena Baskoniak lortu du, bere zazpigarrena Euroligan, 94-75.
Fitxa teknikoa:
94- Bitci Baskonia (20+20+34+20): Granger (10), Giedraitis (20), Baldwin IV (16), Sedekerskis (-) eta Enoch (13) -hasierako boskotea-, Barrera (-), Costello (13), Peters (8), Marinkovic (-) eta Fontecchio (14).
75- Barça (23+11+20+21): Laprovittola (12), Higgins (2), Sergi Martínez (2), Mirotic (19) y Davies (4) -hasierako boskotea-, Exum (3), Sanli (13), Smits (2), Hayes-Davis (2), Jokubaitis (11), Caicedo (3) eta Nnaji (2).
Zure interesekoa izan daiteke
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.
Baskoniak Chris Duarte saskiratzailea sinatu du hurrengo bi denboraldietarako
Talde gasteiztarrak ere agur esan dio ostiral honetan Tim Luwawu-Cabarroti, eta horrek esan nahi du ez duela tanteo eskubidea baliatuko, jokalariak Real Madrilekin akordioa lortu ostean.
Kosner Baskoniak iragarri du Rafa Villarrek ez duela taldean jarraituko
Eskoltak denboraldi bat eman du euskal klubean. 2028ra arteko kontratua zuen, baina ez du jarraituko 2026-2027 denboraldian.
Baskonia-Alaves Taldeak Buesa Arena erosi nahi dio Arabako Foru Aldundiari
Operazioaren epeak eta zenbatekoak ez dituzte jakinarazi, baina Josean Querejeta taldeko presidenteak eta Ramiro Gonzalez ahaldun nagusiak salerosketa gauzatzeko borondate argia azaldu dute.
DJ Stewart, Kosner Baskoniaren lehen fitxaketa
Esloveniako Cedevita Olimpija taldetik dator, eta bi denboraldirako sinatu du.
Forrest, Nowell, Omoruyi, Radzevicius eta Edwardsek ez dute Baskonian jarraituko
Klubak "eskerrak eman dizkie guztiei izan duten konpromisoagatik eta profesionaltasunagatik".
Pablo Pinek entrenatzaile laguntzaile gisa jarraituko du Kosner Baskoniaren aulkian 2027ra arte
Granadako prestatzaileak laguntzaile gisa lur hartu zuen iragan denboraldian, Gasteizen. Baskoniaren hitzetan, lehentasuna izan da "aulkietan eskarmetu handia" duen lantaldeari eustea.
Felix Fernandezek baieztatu egin du Galbiatik eta Spagnolok taldean jarraituko dutela, Forrestek alde egingo duela eta Cabarrotekin negoziatzen ari direla
Bestalde, Bartzelonak Xevi Pujol idazkari teknikoa fitxatzeko agertu duen interesa "lehia bidegabetzat" jo du Kosner Baskoniaren kirol zuzendariak, "unea egokia ez" delakoan, ACB ligako garaikurra lortzeko play-offa jokatu aurretik izan delako.
Kobi Simmonsek Kosner Baskonian jarraituko du 2028ra arte
Joko-antolatzaile estatubatuarrak denboraldi ona egin du, eta Arabako hiriburuan jarraitzeko aukera eman dio horrek. "Gasteizera iritsi zenetik ezin hobeto egokitu da taldera, eta zaleei gau bikainak eskaini dizkie", azaldu du Baskoniak.
Galbiati: “Nire bizitzako denboraldirik zailena izan da"
Paolo Galbiati Kosner Baskoniako entrenatzaileak aitortu duenez, Endesa Ligako play-offetan Asisa Joventuten aurka galdu ostean, bere bizitzako "denboraldirik zailena" izan da.