Baskoniak azken segundoetan lortu du garaipena, Janningesen hirukoari esker
Matt Janningek amaierarako hiru segundoren faltan sartutako hirukoak eta Tornike Shengeliak Luke Sikmari jarritako txapelak garaipena eman diote Baskoniari Buesa Arenan Alba Brelinen aurka jokatutako Euroligako partidan. Gasteiztarrek 17 puntuko aldea iraultzea lortu dute lehiaketako 28. jardunaldian.
Arabarrak negargarri aritu dira hirugarren laurdenean, baina laugarrenean egindako 16 eta 0eko partzialak partida berdindu du eta azkenean laugarren garaipena jarraian lortu dute, lehen aldiz, Euroligan.
Hasierako minutuetan bi taldeak ez dira batere ondo aritu erasoan, defentsek gauzak oso zail jarri baitizkiete. Gauzak horrela lehen 10 minutuak 15na amaitu dira.
Ondoren, alemaniarrek bolada ona harrapatu dute, hiruko sei saskiratze egin dituzte jarraian, eta lehen alde handia zabaltzea lortu dute: 19-29 partidako 13. minutuan.
Baskoniak erreakzionatu egin du Micahel Eric kantxan sartu denean. Hurrengo partziala euren aldekoa izan da, 8 eta 0, eta alde hori nabarmen murriztea lortu dute. Alba Berlinek, hala ere, kanpoko jaurtiketetan min egiten jarraitu du, eta Shengeliak hartutako atsedena ondo aprobetxatu du hirugarren laurdenera 29-39ko emaitzarekin iristeko.
Laurden horretan alemaniarrek berriro zuloa zabaldu dute markagailuan eta 39-56 jarri dira aurretik, Jonas Mattiseckek egindako hirukoarekin. Baina Dusko Ivanovicen taldeak ez du amore eman eta 59 puntura berdintzea lortu du.
Azken laurdenean, eta 61na eta 70na egin ostean, Janningen hiruko batek garaipena eman die arabarrei, Alba 70 eta 72 aurretik zenean.
Fitxa teknikoa:
73 - Kirolbet Baskonia (15+14+19+25): Christon (14), Janning (10), Miguel González (-), Shengelia (24) eta Eric (7) -hasierako boskotea-, Henry (2), Diop (11), Fall (-) eta Polonara (5).
72 - Alba Berlin (15+24+20+13): Hermannsson (5), Giffey (14), Eriksson (16), Sikma (9) eta Nnoko (3) -hasierako bokotea-, Delow (3), Mattisseck (8), Nikic (-), Ogbe (5), Thiemann (6) eta Cavanaugh (3).
Zure interesekoa izan daiteke
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniako entrenatzaile italiarra zeremonia-maisu izan da, eta Sedekerskis kapitaina 'Ikusi mendizaleak' abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.
Baskoniaren zazpigarren Kopak utzitako hainbat bitxikeria: hamar jokalarik egin dute debuta, eta horietako bat, Forrest, MVP
Baskoniak 2009tik ez zuen Kopako finalik jokatzen, eta orduan ere gailendu zen; 73 urtean, soilik Unicajak eta Gasteizko taldeak menderatu dituzte Bartzelona eta Real Madril Kopa batean. Trent Forrestek bereganatu du MVP saria; duela 17 urte lortu zuen hori azkenekoz Baskoniako jokalari batek, Teletovicek, hain zuzen.