Baskoniak berriro itxura txarra eman eta galdu egin du Andorraren aurka
Kirolbet Baskoniak galdu egin du MoraBanc Andorraren aurka (97-82) jokatu duen Endesa Ligako 11. jardunaldiko partida, eta bost garaipeneko eta sei porroteko balantzea du orain.
Norgehiagokako lehen minutuak parekatuak izan dira, baina laurdenaren erdialdetik aurrera hasi da etxeko taldea nagusi izaten, sei puntuko abantaila hartu du (16-10 eta 18-12), eta hasierako hamar minutuen amaierara hamar puntu goitik heldu da MoraBanc Andorra (24-14).
Bigarren laurdenari hobeto ekin dio Kirolbet Baskoniak, eta Perasovicek zuzentzen duen taldeak desabantaila bi puntura murriztu du (29-27) atsedenaldira iristeko lau minutu falta zirenean. Hala ere, Baskoniak laurden honetako azken bi minutuetan eman duen maila oso kaskarra izan da, eta 11 puntuko desabantailarekin joan da atsedenaldira (42-31).
Atsedenaldiaren ostean ez da partidaren gidoia aldatu; MoraBanc Andorra jaun eta jabe izan da, eta, Baskonia ezinean ibili da. Arabako taldea 17 puntuz galtzen ere joan da (61-44), eta etxeko taldea 14 puntuko errentarekin heldu da azken laurdenera (66-52).
Laugarren laurdenari hasiera ona eman dio Kirolbet Baskoniak eta hamar puntura gerturatu da (74-64), amaierarako bost minutu falta zirenean desabantaila bederatzi puntura murriztu duelarik (77-68). Dena den, talde gasteiztarrak oso gaizki jokatu ditu neurketako azken minutuak, eta amaieran jipoia jaso du (97-82).
Fitxa teknikoa:
97 – BC MoraBanc Andorra (24+18+24+31): Senglin (5), Massenat (7), Dejan Todorovic (5), Bandja Sy (6) eta Moussa Diagne (9) -qhasierako taldea-, David Walker (5), Clevin Hannah (20), 'Tyson' Perez (-), David Jelínek (18), Nacho Llovet (12), Dejan Musli (10) eta Guille Colom (-).
82 – Kirolbet Baskonia (14+17+21+30): Pierria Henry (22), Janning (12), Shields (10), Shengelia (9) eta Fall (7) -ehasierako taldea-, Eric (8), Stauskas (10), Ilimane Diop (2) eta Polonara (2).
Epaileak: Antonio Conde, Oscar Perea eta Carlos Merino. Bost falta egiteagatik kanporatu dituzte, Nacho Llovet –BC MoraBanc Andorra- eta Shengelia eta Fall –Kirolbet Baskonia-.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.