Baskoniak galdu egin du Valentziaren aurka eta hirugarren postuan amaitu du liga
Kirolbet Baskoniak galdu egin du Valentziaren aurka (92-81), Endesa Ligako denboraldi erregularreko azken jardunaldiko partida. Bartzelonak, aldiz, Monbus Obradoirori irabazi dio. Ondorioz, hirugarren postuan amaitu du Baskoniak liga erregularra. Tecnyconta Zaragoza izango du aurkari play-offean, Aragoiko taldea seigarren izan baita sailkapenean.
Lehen laurdena oso parekatua izan da. Bi taldeetako bat ere ez da gai izan nagusitasuna kantxan isladatzeko, eta ezin izan dute zulorik ireki. Gora-behera asko egon dira markagailuan. Laurdenaren azken txanpan, gehiago asmatu du Valentziak, eta hiru puntuko abantaila eskuratu du (26-23) lehen hamar minutuen amaieran.
Bigarren laurdenari oso kaskar ekin dio Kirolbet Baskoniak. Valentzia nagusi izan da. Ezinean ibili da Baskonia bigarren laurdeneko lehen bost minutuetan, eta etxeko taldeak zortzi puntuko errenta lortu du (38-30). Momentu txarra pasa ostean, Kirolbet Baskoniak jokoa hobetzea lortu du, eta desabantaila murrizten hasi da. Hala ere, bost puntu aurretik heldu da Valentzia atsedenaldira (44-39).
Atsedenaldiaren ostean, berriro neurketa parekatzea lortu, eta aurrea ere hartu du Arabako taldeak (44-45). Dena den, hirugarren laurdenaren azken txanpan, etxeko taldea izan da nagusi berriro, eta zuloa irekitzea lortu du. Baskonia, berriro eskas ibili da erasoko zein defentsako lanean, eta bederatzi puntuko abantaila eskuratu du Valentziak (68-59).
Azken laurdenari partida maldan gora zuela ekin dio Kirolbet Baskoniak. Aldeak murrizteko ahalegina egin du Perasovicek zuzentzen duen taldeak, baina alferrik. Ez dute lortu desabantaila murriztea, eta Valentziak nagusi izaten jarraitu du. Gauzak horrela, Arabako taldeak porrota jaso du (92-81).
Fitxa teknikoa:
92.- Valentzia (26+18+24+22): Van Rossom (8), Sastre (5), San Emeterio (15), Labeyrie (23), Will Thomas (12) -hasierako taldea- Abalde (1), Diot (1), Dubljevic (14), Vives (2), Rafa Martinez (-) eta Doornekamp (11).
81.- Kirolbet Baskonia (23+16+20+22): Vildoza (18), Shields (14), Garino (6), Shengelia (13), Poirier (4) -hasierako taldea- Voigtmann (9), Huertas (2), Diop (2), Granger (1), Jones (4) eta Hilliard (8).
Epaileak: García González, Oyon eta Rial. Poirier (39. min) Baskoniako jokalaria kanporatu dute.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.