Baskonia, nagusi Manresaren aurka
Kirolbet Baskoniak 82-71eko emaitzarekin lortu du garaipena Baxi Manresaren aurka, Endesa Ligako 30. jardunaldiko partidan. Ondorioz, lehen bi sailkatuak diren Bartzelona eta Real Madril taldeekiko garaipen bakarrera egoten jarraitzen du.
Neurketako lehen saskiraketa lortu duen arren, Baskoniaren hasiera txarra izan da. Manresak zazpi puntu jarraian sartu ditu (2-7) eta bost puntuko abantaila hartu du. Hala ere, Arabako taldeak beste zazpi puntu jarraian eskuratu ditu, eta aurretik jarri da (9-7). Lehen laurdeneko azken txanpan, nagusi izan da Kataluniako taldea, eta hiru puntuko errenta lortu du (11-14).
Bigarren laurdenean erregularragoa izan da Kirolbet Baskonia. Lehen minutuetan parekatuta joan da lehia. Baskoniak aurrea hartu du, baina Manresak eustea lortu du, eta talde arabarrak ezin izan du abantaila handirik eskuratu. Atsedenaldira iritsi aurreko bost minutuetan, Kirolbet Baskonia nagusi izan da, errenta handitzea lortu du, eta hamar puntuko abantailarekin joan da aldageletara (41-31).
Atsedenaldiaren ostean, Perasovicek zuzentzen duen taldearen nagusitasuna nabarmena izan da. Ondorioz, Baskoniak aurretik eskuratutako hamar puntuko errenta mantendu du, eta hirugarren laurdenaren azken txanpan handitu egin du, 16 puntu aurretik iritsi delarik (65-49) azken laurdenera.
Indartsu eta kontzentratuta ekin dio Arabako taldeak laugarren laurdenari. Ez du ezustekorik nahi izan, eta ez du utzi Baxi Manresak aldeak murriztea. Kataluniako taldea ezinean ibili da Baskoniaren defentsaren aurrean, eta arazo gehiegirik gabe, ondo kudeatu du aurreko laurdenean lortutako abantaila. Amaieran, Kirolbet Baskonia garaile (82-71).
Fitxa teknikoa:
82 - Kirolbet Baskonia (11+30+24+17): Vildoza (4), Shields (8), Garino (10), Shengelia (14) eta Poirier (4), -hasierako taldea-, Voigtmann (1), Sedekerskis (2), Huertas (14), Diop (3), Jones (6) eta Hilliard (16).
71 - Baxi Manresa (14+17+18+22): Lundberg (20), Toolson (13), Tomàs (8), Zubcic (1) eta Sakho (4) -hasierako taldea- Orrit (-), Sergi García (7), Jou (3), Murphy (9), Sima (2), Del Aguila (2) eta Muñoz (2).
Epaileak: Jose Antonio Martin Bertran, Luis Miguel Castillo ea Iyan Gonzalez Galvez. Baxi Manresako Sakho (38. min) kanporatu dute.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.