Baskoniak jipoia jaso du CSKAren aurka, lehen partidan
Kirolbet Baskoniak porrota jaso du CSKA Moskuren aurka (94-68) jokatu duen Euroligako final-laurdenetako kanporaketako lehen partidan. Ondorioz, CSKAk abantaila hartu du (1-0) Gasteizko Lauko Finalerako bidean.
Bizi eta lehiakortasun handiarekin hasi da norgehiagoka. Parekotasuna izan da nagusi hasierako minutuetan, eta bi taldeetako bat ere ez da gai izan abantaila handiak hartzeko. Lehen laurdena amaitzeko minutu bat falta zenean, lau puntuko errenta eskuratu du talde errusiarrak (21-17), baina Baskoniak azkar erantzun du, Janningen hiruko batekin (21-20). Azken segundoak bikain baliatu ditu Arbako taldeak, eta puntu bateko abantailarekin (23-24) amaitu ditu lehen hamar minutuak.
Bigarren laurdenari ere erritmo biziarekin ekin diote bi taldeek. CSKAk lau puntuko abantaila hartu du hasieran (30-26), baina laurdenaren erdialdera iristean, puntu bakarrera hurbildu da Hilliardek sartutako hiruko ikusgarri bati esker (32-31). Ondoren, aurrea hartu du Arabako taldeak (32-33), eta hiru puntuko errenta eskuratu du (32-35) atsedenaldira heltzeko hiru minutu falta zirenean. Defentsako lan bikaina egin du Kirolbet Baskoniak eta zailtasunak eragin dizkio CSKA Moskuri saskiratzeak lortzeko orduan. Puntu bakarrera hurbildu da CSKA (34-35), eta Perasovicek zuzentzen duen taldek berriro lau puntuko abantaila hartu du (34-38), baina Sergio Rodriguezen kalitateari esker, aurretik jarri da Errusiako taldea (39-38). Zazpi eta hutseko partzialari esker, hiru puntu aurretik ipini da CSKA, eta bolada txarra Vildozak moztu du bi jaurtiketa libre sartuta (41-40). Hala ere, Moskuko taldeak bi gehi bateko jokaldia baliatu du bigarren laurdenaren azken txanpan, eta aldeko 44-40ko emaitzarekin iritsi da atsedenaldira.
Shieldsen hiruko batekin ekin dio Kirolbet Baskoniak hirugarren laurdenari (44-43), baina Sergio Rodriguezek bi hiruko jarraian sartu ditu, eta zazpi puntuko abantaila eman dio CSKAri (52-45). Hiruko jaurtiketetan asmatzen hasi da Moskuko taldea, eta beste hiru hiruko sartu ditu; bi Kurbanovek eta beste bat Clyburnek. Ondorioz, 14 puntuko errenta eskuratu du CSKA Moskuk (61-47). Erakustaldia eman du Sergio Rodriguezek laurden honetan, eta bere taldea garaipenerantz gidatu du. Kirolbet Baskonia ezinean ibili da, eta 21 puntuko desabantailarekin amaitu du (73-52).
Huts eta bosteko partzialarekin ekin dio Kirolbet Baskoniak azken laurdenari (73-57). Hala ere, hasierako partzial horrek ez du jarraipenik izan, eta Arabako taldeak ezin izan du emaitza estutu, aurkaria urduri jartzeko. Hiruko jaurtiketen bitartez saiatu da aldeak murrizten Perasovicek zuzentzen duen taldea, baina jokalariek ez dute asmatu. Ondorioz, lasai jokatu ahal izan du CSKA Moskuk, eta garaipena erdietsi du (94-68).
Fitxa teknikoa:
94 - CSKA Mosku (23+21+29+21): Rodriguez (19), Higgins (12), Kurbanov (10), Clyburn (10) eta Hunter (7) -hasierako taldea-, De Colo (11), Bolomboy (3), Peters (4), Ukhov (3), Vorontsevich (3), Hackett (7) eta Hines (5).
68 - Kirolbet Baskonia (24+16+12+16): Vildoza (5), Shields (17), Garino (4), Voigtmann (2) eta Poirier (12) -hasierako bostekoa-, Huertas (5), Janning (5), Diop (-), Shengelia (6) eta Hilliard (12).
Epaileak: Luigi Lamonica (Italia), Olegs Latisevs (Letonia) eta Anne Panther (Alemania). Baskoniako Shields kanporatu dute 32. minutuan, bost fakta egiteagatik.
Zure interesekoa izan daiteke
Kosner Baskoniak iragarri du Rafa Villarrek ez duela taldean jarraituko
Eskoltak denboraldi bat eman du euskal klubean. 2028ra arteko kontratua zuen, baina ez du jarraituko 2026-2027 denboraldian.
Baskonia-Alaves Taldeak Buesa Arena erosi nahi dio Arabako Foru Aldundiari
Operazioaren epeak eta zenbatekoak ez dituzte jakinarazi, baina Josean Querejeta taldeko presidenteak eta Ramiro Gonzalez ahaldun nagusiak salerosketa gauzatzeko borondate argia azaldu dute.
DJ Stewart, Kosner Baskoniaren lehen fitxaketa
Esloveniako Cedevita Olimpija taldetik dator, eta bi denboraldirako sinatu du.
Forrest, Nowell, Omoruyi, Radzevicius eta Edwardsek ez dute Baskonian jarraituko
Klubak "eskerrak eman dizkie guztiei izan duten konpromisoagatik eta profesionaltasunagatik".
Pablo Pinek entrenatzaile laguntzaile gisa jarraituko du Kosner Baskoniaren aulkian 2027ra arte
Granadako prestatzaileak laguntzaile gisa lur hartu zuen iragan denboraldian, Gasteizen. Baskoniaren hitzetan, lehentasuna izan da "aulkietan eskarmetu handia" duen lantaldeari eustea.
Felix Fernandezek baieztatu egin du Galbiatik eta Spagnolok taldean jarraituko dutela, Forrestek alde egingo duela eta Cabarrotekin negoziatzen ari direla
Bestalde, Bartzelonak Xevi Pujol idazkari teknikoa fitxatzeko agertu duen interesa "lehia bidegabetzat" jo du Kosner Baskoniaren kirol zuzendariak, "unea egokia ez" delakoan, ACB ligako garaikurra lortzeko play-offa jokatu aurretik izan delako.
Kobi Simmonsek Kosner Baskonian jarraituko du 2028ra arte
Joko-antolatzaile estatubatuarrak denboraldi ona egin du, eta Arabako hiriburuan jarraitzeko aukera eman dio horrek. "Gasteizera iritsi zenetik ezin hobeto egokitu da taldera, eta zaleei gau bikainak eskaini dizkie", azaldu du Baskoniak.
Galbiati: “Nire bizitzako denboraldirik zailena izan da"
Paolo Galbiati Kosner Baskoniako entrenatzaileak aitortu duenez, Endesa Ligako play-offetan Asisa Joventuten aurka galdu ostean, bere bizitzako "denboraldirik zailena" izan da.
Kosner Baskonia Asisa Joventut final-laurdenetako play-offeko hirugarren partidaren laburpena (88-96)
Kosner Baskoniak porrot gogorra jaso du Asisa Joventuten aurka igande honetan (88-96), eta Endesa Ligako play-offetatik kanpo geratu da. Ikusi hemen partidaren laburpena.
Kosner Baskoniak berriro galdu du Joventuten aurka, eta play-offetatik at geratu da (88-96)
Paolo Galbiatik zuzentzen duen taldeak ezin izan du etxean agindu, eta bigarren porrotarekin Endesa Ligako play-offetatik kanpo geratu da.