Baskoniak garaipena lortu du Murtzian
Kirolbet Baskoniak garaipena lortu du UCAM Murtziaren aurka (75-86) eta denboraldiko 19. garaipena eskuratu du Endesa Ligan. Arabako taldeak tinko eusten dio sailkapeneko hirugarren postuari.
Bi taldeek erritmo biziarekin ekin diote neurketari eta lehen hiru minutuetan bi taldeetako bat ere ez da gai izan abantaila handirik eskuratzeko. Hirugarren minututik aurrera hasi da agintzen Baskonia, eta neurketako bosgarren minutuan 6 puntuko errenta eskuratu du (8-14). Ordutik lehen hamar minutuen amaiera arte, aldea mantendu du Arabako taldeak (16-24).
Bigarren laurdena lehenengoaren antzekoa izan da. Kirolbet Baskoniak hamar puntuko errenta eskuratu du 15. minutuan (24-34), eta 13 puntuko abantaila ere izan du (27-40), atsedenaldirako hiru minutu eta 22 segundo falta zirenean. Hala ere, bigarren laurdeneko azken txanpan, hobeto jokatu du UCAM Murtziak eta aldeak murriztea lortu du (38-43).
Atsedenaldia ondo etorri zaio Baskoniari, eta Arabako taldea nagusi izan da hirugarren laurdenaren hasieran. Ondorioz, Perasovicek zuzentzen duen taldea aldea handitzen hasi da. UCAM Murtziak arazo asko izan ditu Baskoniaren defentsa gainditzeko, eta Gasteizko taldeak 14 puntuko abantaila eskuratu du hirugarren laurdeneko lehen hiru minutuetan. Ondoren, errenta mantenduz joan da Kirolbet Baskonia. Gainera, une horretara arte izan duen abantaila handiena eskuratu du (52-66), azken laurdenera 11 puntuko errentarekin iritsi delarik (55-66).
Amaierako hamar minutuetan UCAM Murtziak ez du Baskonia arazo gehiegitan jarri. Arabako taldeak nahiko eroso eutsi dio hirugarren laurdenetik zekarren abantailari. Amaierarako hiru minutu falta zirenean, 16 puntuko errenta izan du Baskoniak eta lehia erabat erabakita utzi du (65-81). Azkenean, 75-86ko emaitzarekin atera da garaile Kirolbet Baskonia.
Fitxa teknikoa:
75. UCAM Murtzia (16+22+17+20): Booker (8), Oleson (-), Rojas (6), Soko (10) eta Mitrovic (3) -hasierako taldea-, Radoncic (12), Kloof (-), Rudez (5), Cate (11), Lecomte (5) eta Doyle (15).
86. Kirolbet Baskonia (24+19+23+20): Vildoza (11), Garino (2), Shields (16), Voigtmann (22) eta Poirier (6) -hasierako taldea-, Huertas (7), Diop (2), Jones (2), Hilliard (18) eta Shengelia (-).
Epaileak: Carlos Peruga Embid, Oscar Perea Lorente eta Alberto Sanchez Sixto. Voigtmann (Baskonia) kanporatu dute bost falta egiteagatik, 39. minutuan.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.