Baskoniak aise irabazi dio Estudiantesi
Kirolbet Baskoniak garaipena lortu du Movistar Estudiantesen aurka (104-67) Buesa Arenan jokatu duen partidan. Hasieratik amaieraraino nagusi izan da Arabako taldea, eta aise irabazi du neurketa.
Norgehiagokako lehen minutuak parekatuak izan dira, eta Baskoniak ez du lortu partida haustea. Estudiantes sendo ibili da erasoan zein defentsan, baina hasierako laurdeneko azken hiru minutuetan Arabako taldea nagusitu da, eta sei puntuko errenta eskuratu du (19-13).
Bigarren laurdenean hautsi du neurketa Perasovicek zuzentzen duen taldeak. Baskonia gainetik pasa zaio Movistar Estudiantesi, eta norgehiagokako 15. minutua gaindituta, 15 puntuko abantaila eskuratu du (36-21). Madrileko taldea ez da gai izan aldeak murrizteko, talde gasteiztarrak ez baitio erraztasunik eman. Ondorioz, Baskoniaren aldeko 43-29ko emaitzarekin iritsi da lehia atsedenaldira.
Atsedenaldiaren ostean, Arabako taldeak ez du ezustekorako aukerarik eman. Erritmo biziarekin jokatzen jarraitu du, eta jaun eta jabe izan da Buesa Arenako kantxan. Estudiantes ezinean ibili da. Gauzak honela, Kirolbet Baskoniak abantaila handitzea lortu, eta 26 puntuko errentarekin amaitu du hirugarren laurdena (76-50).
Azken laurdenerako erabakita egon da partida. Baskoniako jokalariek gozatu egin dute kantxan, baita Buesa Arenara gerturatu diren zaleek ere, taldeak eman duen erakustaldiarekin. Movistar Estudiantesek ezer gutxi egin ahal izan du. Amaieran, Baskonia garaile, 104-67ko emaitzarekin.
Fitxa teknikoa:
104 - Kirolbet Baskonia (19+24+33+28): Vildoza (2), Miguel González (5), Shields (13), Voigtmann (11) eta Poirier (9) -hasierako taldea-, Sedekerskis (7), Huertas (14), Diop (10), Jones (17), Shengelia (11) eta Hilliard (5).
67 - Movistar Estudiantes (13+16+21+17): Cook (3), Brizuela (15), Vicedo (3), Canner-Medley (7) eta Whittington (16) -hasierako taldea-, Clavell (7), Hakanson (3), Suton (7), Grytsak (-) eta Lampropoulos (6).
Epaileak: Fernando Calatrava, Francisco Javier Araña eta Esperanza Mendoza. Diop kanporatu dute bost falta egiteagatik (37. min.).
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.