Baskonia Teneriferi gailendu zaio eta sendo da hirugarren postuan
Kirolbet Baskoniak ez dio aukerarik eman Iberostar Teneriferi eta 85-68 gailendu da Buesa Arenan jokatutako partidan. Defentsan eta abiaduran oinarritutako garaipena izan da.
Arabarren partida ia perfektua izan da, defentsako errebotean izan dituzten arazo batzuk alde batera utzita. Lehen zatian arazo horiek kalte egin diete eta kanariarrek hori aprobetxatu dute bigarren laurdenean markagailuan gerturatzeko.
Partida hasieratik, Perasovicen taldeak kontraerasoa bilatu du. Lau baloi errekuperatu dituzte eta horren min handia egin dio Teneriferi, ezin izan baitituzte Baskoniaren trantsizioak geldiarazi. Ondorioz, Baskonia 22 eta 12ko aldeko markagailuarekin hasi du bigarren laurdena.
Momentu horretan, Iberostar presioa zonan egiten hasi da aurkariaren erritmoa aldatzen saiatzeko eta 3 eta 12ko partziala egin dute (25-24). Baskonia ez da aurreko minutuetan bezain eroso ibili.
Txus Vidorretaren taldeak partidan sartuta jarraitu du erasoko erreboteari eta Tim Abromaitisek jarraian sartutako bi hirukoei esker. Horrela, aurretik jarri dira markagailuan, 32-35, baina Baskoniak ondo erreakzionatu du eta36-35 jarri da berriro aurretik.
Hala ere, arabarrek erregulartasunari eutsi diote eta hirugarren laurden ona egin dute. Luca Vildozak hirukoa sartu du azken segundoan eta etxekoek 61 eta 50ko emaitzarekin hasi dute azken laurdena.
Azken 10 minutuetan, 68 eta 52ko aldea 11 puntura jaistea lortu dute kanariarrek, baina gasteiztarrak ez dira urduritu eta azkenean 85 eta 68 gailendu dira.
Fitxa teknikoa
85 - Kirolbet Baskonia (22+14+25+24): Vildoza (14), Shields (17), Garino (5), Voigtmann (13) y Poirier (9) -hasierako boskotea-, Sedekerskis (-), Huertas (2), Diop (2), Jones (8) eta Hilliard (15).
68 - Iberostar Tenerife (12+23+15+18): Bassas (3), White (6), Brussino (-), Abromaitis (20) y Saiz (-) -hasierako boskotea-, San Miguel (-), Staiger (8), Iverson (4), Niang (9), Joesaar (16) eta Guillet (2).
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.