Kirolbet Baskoniak beste garaipen bat lortu du Euroligan (82-62)
Kirolbet Baskonia nagusitasun osoz gailendu zaio ostiral honetan Buducnost Voli (82-62) Montenegroko taldeari Euroligako 26. jardunaldian, bigarren zati on bati esker.
Horrenbestez, Perasovicen taldeak play-offetara sailkatzeko borrokan murgilduta jarraitzen du. Une honetan, seigarren tokian dago sailkatuta, bosgarrena den Bartzelonarengandik garaipen bakarrera. Dena den, tentuz ibili behar du, bederatzigarren tokian dagoen Olinpiakosekiko partida bakarreko abantaila baitauka.
Gasteiztarrei kostatu egin zaie neurketan sartzea, eta nahiz eta lehen laurdena amaitu orduko markagailuan aurretik jarri diren, ez dute bere aurkaria aldentzea lortu bigarren zatira arte. Orduan, erabat nagusitu dira jokoko alderdi guztietan.
Johannes Voigtmannek eta Vincent Poirierrek ez dute aurkaririk izan saskipean, 10 eta 13 errebote hartu baitituzte, hurrenez hurren, baita 16 eta 21eko balorazioak lortu ere. Dena den, Marcelinho Huertas (13 puntu eta 12ko balorazioa) izan da taldea gidatzeaz arduratu dena.
Estatistikez haratago, joko-antolatzaile brasildarra taldeko arima bihurtu da Patricio Garino argentinarrarekin batera (16 puntu eta 14ko balorazioa), lehen zatian sufritu egin duen arren inspiratuta ibili den Norris Cole geldiarazteko (17 puntu, 4 errebote, 4 asistentzia eta 4 baloi lapurtu).
Hurrengo jardunaldian, Baskoniak Greziara bidaiatuko du Panathinaikosen aurka jokatzeko, martxoaren 20an, asteazkena.
Fitxa teknikoa:
82 - Kirolbet Baskonia (23+16+25+18): Vildoza (8), Shields (12), Garino (16), Voigtmann (4) eta Poirier (8) –hasierako bostekoa–, Penava (-), González (-), Huertas (13), Sedekerskis (4), Diop (-), Jones (9) eta Hilliard (8).
62 - Buducnost Voli (15+19+15+13): Cole (17), Edwin Jackson (-), Bell (8), Earl Clark (13) y Bitadze (7) –hasierako bostekoa–, Barovic (-), Coty Clark (9) Sead Sehovic (-), Gordic (6) eta Devin Williams (2).
Epaileak: Olegs Latisevs (Letonia), Elias Koromilas (Grezia) eta Robert Vyklicky (Txekiar Errepublika). Ez dute inor kanporatu.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.