Baskoniak ez dio Breogani aukerarik eman eta bederatzigarren garaipena lortu du
Kirolbet Baskoniak ez dio Cafes Candelas Breogani aukerarik eman eta sailkapeneko lehen postuei eutsi die Buesa Arenan 100 eta 78 irabazita. Perasovicek zuzentzen duen taldeak partida serioa jokatu du, neurketa bigarren laurdenean hautsita.
Arabarrek huts asko egin dituzte jaurtiketa libreetan (% 57 asmatu dute) baina partida eroso eraman dute, bigarren zatiaren hasieran galiziarrak bost puntura jarri diren arren (45-40).
Baskoniak 14 puntuko gehienezko aldea lortu du, 32-18, partidako 16. minutuan, Jayson Grangerrek sartutako hiruko bati esker. Ondoren, 39 eta 20 jarri dira 14 eta 4ko partzialari esker. Arabarrek maisutasunez aurer egin diote Breoganen defentsa estrategiari.
Aleksandar Cvetkovicek eta Jerome Jordanek egindako lanari esker, Baskoniak ez du bere aldea gehiago handitu, eta 43 eta 28ko emaitzarekin iritsi dira atsedenaldira.
Hirugarren laurdenean, galiziarrak gogotsu atera dira aldegeletatik eta partida bost puntuko diferentzian jarri dute, 45-40, 2 eta 12ko partzialari esker.
Perasovicek Ilimane Diop kantxan sartu du eta aldaketak indarra eman die gasteiztarrei. Hirugarren laurdena 69 eta 51 amaitu da.
Azken laurdenaren hasieran Breoganek hiruko lau saskiratze sartu ditu. Hala ere, azken bost minutuetan Baskoniarrek behin betiko aldea zabaldu dute eta garaipena Gasteizen geratu da (100-78).
Fitxa teknikoa
100 - Kirolbet Baskonia (18+25+26+31): Vildoza (7), Janning (8), Shields (6), Shengelia (17) eta Diop (20) -hasierako boskotea-, Miguel González (3), Voigtmann (5), Huertas (4), Granger (11), Poirier (4) eta Hilliard (15).
78 - Cafés Candelas Breogán (13+15+23+27): Cvetkovic (21), Redivo (10), Vidal (5), Brown (12) eta Jerome Jordan (17) -hasierako boskotea-, Lofberg (8), Arco (-), Belemene (-), Sulejmanovic (2) eta Díaz (3).
Zure interesekoa izan daiteke
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.