Baskoniak garaipena lortu du Obradoiroren aurka
Kirolbet Baskoniak garaipena lortu du Monbus Obradoiroren (74-81) aurka Endesa Ligako 10. jardunaldiko partidan. Orain arte, talde gasteiztarrak zortzi garaipen eta bi porrot eskuratu ditu.
Parekatuta hasi da partida, baina minutuak pasa ahala Baskonia hasi da abantailak lortzen. Arabako taldeak 6 puntuko errenta lortu du (11-17 eta 13-19), baina lehen laurdenaren azken txanpan Obradoirok gehiago asmatu du, eta hasierako 10 minutuak berdinduta amaitu dira (21-21).
Bigarren laurdena oso lehiatua izan da. Parekotasuna izan da nagusi. Bi taldeetako bat ere ez da gai izan zuloa irekitzeko. Estu joan da lehia eta lehen laurdenaren amaieran gertatu bezala, atsedenaldira iritsi aurreko minutuetan etxeko taldea nagusitu da, eta bi puntuko abantaila lortu du (35-33).
Atsedenalditik kantxara itzulita, nagusi izan da Obradoiro eta aurretik ibili da minutu batzutan. Hala ere, Baskoniak azkar erantzun du, ez dio aurkariari abantaila handirik hartzen utzi, eta neurketa berdindu du (45-45). Hirugarren laurdenaren amaierara, ordea, Obradoiro iritsi da abantailarekin (60-56).
Azken hamar minutuetara emaitza estuarekin heldu da neurketa. Hiru minutu behar izan ditu Kirolbet Baskoniak neurketa berriro berdindu eta aurrea hartzeko. Perasovicek zuzentzen duen taldeak aurrea hartu ostean, nagusi izan da, eta 11 puntuko abantaila lortu du (68-79) amaierarako minutu t’erdi falta zenean. Hortxe erabaki du partida Baskoniak eta garaile atera da (74-81).
Fitxa teknikoa:
74 - Monbus Obradoiro (21+14+25+14): Sabat (12), Llovet (6), Hlinason (12), Singler (7), Vasileiadis (15), -hasierako bostekoa- Simons (13), Brodziansky (1), Obst (6), de Zeeuw (2), Navarro (0).
81 - Kirolbet Baskonia (21+12+23+25): Granger (7), Poirier (8), Shengelia (19), Shields (5), Hilliard (5), -hasierako bostekoa- Vildoza (0), Voigtmann (7), Huertas (24), Janning (2), Diop (0), Garino (0).
Epaileak: Conde, Garcia Ortiz, Olivares.
Zure interesekoa izan daiteke
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.