Baskoniak Kanaria Handia jipoitu du Perasovicen estreinaldian
Kirolbet Baskoniak 91-76ko emaitzarekin irabazi dio Herbalife Kanaria Handia taldeari Buesa Arenan jokatu duen Endesa Ligako 9. jardunaldiko neurketa. Perasovic entrenatzaile karguan estreinatu da garaipena lortuta.
Ondo ekin dio partidari Baskoniak lehen txanpan 6 puntuko abantaila lortuta (8-2). Ondoren, 2 puntura gerturatu da talde kanariarra (15-13), baina Arabako taldeak berriro abantaila hartu du (18-13). Lehen laurdeneko azken minutuetan, ordea, Kanaria Handia izan da nagusi eta talde bisitariak puntu bateko errentarekin amaitu ditu lehen hamar minutuak (22-23).
Bigarren laurdeneko hasierako minutuetan, lehiak parekatuta jarraitu du, baina azken 5 minutuetan Kirolbet Baskonia jaun eta jabe izan da. Atsedenaldira iritsi aurreko minutuetan joko-maila ona azaldu du Perasovicek zuzentzen duen taldeak, abantaila esanguratsuak lortzen hasi da, eta 15 puntuko abantaila lortuta joan da taldea aldageletara (51-35).
Atsedenaldiaren ostean, aurretik lortutako abantaila mantentzea lortu du Baskoniak. Hirugarren laurdena oso parekatua izan da, baina 16 puntuko errenta ere eskuratu du Arabako taldeak (67-51). Ondoren, ordea, Herbalife 10 puntura gerturatu da (65-55). Hala ere, Perasovicek zuzentzen duen taldeak ondo eutsi dio presioari eta 13 puntuko errenta lortu du azken laurdenari ekiteko (71-58).
Garaipena gertu zuela ikusita, Baskoniak indartsu ekin die azken hamar minutuei, eta partida amaitzeko 5 minutu falta zirenean, 21 puntuko abantaila eskuratu du talde gasteiztarrak (83-62). Hortxe utzi du neurketa erabakita Baskoniak, eta amaieran 91-76ko emaitzarekin lortu du garaipena.
Fitxa teknikoa:
91 - Kirolbet Baskonia (22+29+20+18): Vildoza (16), Hilliard (15), Garino (2), Shengelia (16) eta Poirier (8) -hasierako bostekoa-, Voigtmann (4), Huertas (6), Janning (15), Diop (9) eta Shields (-).
76 - Herbalife Gran Canaria (23+13+22+18): Hannah (2), Strawberry (14), Evans (5), Tillie (10) y Pasecniks (9) -hasierako bostekoa-, Oliver (2), Eriksson (5), Balvin (9), Paulí (10), Rabaseda (4) eta Baez (6).
Epaileak: Jose Antonio Martin Bertran, Rafael Serrano eta Javier Torres. Vincent Poirier anporatu dute, 5 falta egiteagatik.
Zure interesekoa izan daiteke
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.