Baskoniak aise irabazi dio Estudiantesi
Kirolbet Baskoniak garaipena lortu du Movistar Estudiantesen aurka (67-100). Hasieratik amaieraraino nagusi izan da Pedro Martinezek zuzentzen duen taldea, eta 6tik 5 partida irabazi ditu Endesa Ligan.
Azkar hasi da abantaila hartzen Baskonia. Arabako taldeak ondo ekin dio partidari eta zuloa ireki du (2-9 eta 5-13). Estudiantes ez da gai izan desabantaila murrizteko eta Baskoniak 13 puntuko abantaila eskuratu du (10-23) lehen hamar minutuen amaieran.
Bigarren laurdenak lehenengoaren gidoi berdina izan du; Arabako taldea nagusi eta Estudiantes ezinean. Pedro Martinezek zuzentzen duen taldeak 21 puntuko errenta eskuratu du 15. minutuan, ondoren, abantaila are gehiago handituta. Talde gasteiztarra 26 puntuko aldearekin iritsi da atsedenaldira (24-50).
Lehen bi laurdenetan bideratuta utzi du garaipena Baskoniak, eta partida ia erabakita geratu da. Hala ere, badaezpada, Arabako taldea ez da erlaxatu eta aurretik lortutako abantaila mantendu du ia hirugarren laurden guztian zehar, azken laurdenera 42-72ko emaitzarekin iritsi delarik.
Amairako azken hamar minutuetarako dena erabakita geratu da. 30 puntuko abantailarekin ekin dio Baskoniak azken txanpari eta ez du arazorik izan garaipenari eroso eusteko (67-100).
Fitxa teknikoa:
67 - Movistar Estudiantes (10+14+18+25): Cook (3), Brizuela (17), Vicedo (2), Canner-Medley (-) eta Jankovic (7) -hasierako bostekoa-, Clavell (13), Hakanson (-), Suton (8), Perl (1), Arteaga (10), Peña (3) eta Sola (3).
100 - Kirolbet Baskonia (23+27+22+28): Huertas (4), Hilliard (12), Shields (11), Shengelia (18) eta Poirier (6) -hasierako bostekoa- Voigtmann (14), Janning (6), Diop (12), Granger (9), Garino (8) eta Vildoza (-).
Epaileak: Carlos Peruga, Jordi Aliaga eta Ruben Sanchez. Kanporaturik gabe.
Zure interesekoa izan daiteke
Kosner Baskoniak Valentzia mendean hartuz nahi dio jarraipena eman Kopako tituluari
Partida Buesa Arenan jokatuko da, ostegunean, 20:30etik aurrera. Aurreikuspena da Kurucs, Diop eta Sedekerskis baja izanen direla, baina Galbiatik Markquis Nowell eta Kobi Simmons eskuragarri izanen ditu.
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die, zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniaren entrenatzaile italiarra zeremonia-maisu izan da, eta Sedekerskis kapitaina Ikusi mendizaleak abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.