Baskoniak porrota jaso du Unicajaren aurka
Baskoniak porrota jaso du Unicajaren aurka (75-79) Buesa Arenan. Ondorioz, ia ezinezko du Endesa Ligako fase erregularra lehen postuan bukatzea eta oso zail dauka bigarren postua eskuratzea ere.
Lehen laurdenean, bi taldeetako bat ere ez da gai izan aurkariaren erasoko jokoa gelditzeko, eta, ondorioz, hasierako hamar minutuak berdinduta amaitu dira (23-23). Bigarren laurdenean ere, parekotasuna izan da nagusi. Bi taldeek ondo irakurri dute nola apurtu behar zuten aurkariaren defentsako lana. Hala ere, puntu bateko abantailarekin iritsi da atsedenaldira Malagako taldea (35-36).
Norgehiagokaren gidoia ez da aldatu atsedenaldiaren ostean. Neurketak parekatuta jarraitu du, baina Unicaja Baskonia baino pixka bat hobea izan da hirugarren laurdenean, eta hiru puntuko errentarekin ekin dio azken laudenari (56-59). Amaierako hamar minutuetan, Unicajak zortzi punturainoko abantila lortu du (58-66), baina Baskoniaren erantzuna garaiz iritsi da, eta berriro parekatu da lehia. Azken txanpan, ordea, Baskonia kaskar ibili da aurkariaren saski aurrean, eta Unicajak lortu du garaipena azkenean (75-79).
Fitxa teknikoa:
75 - Baskonia (23+12+21+19): Laprovittola (-), Beaubois (13), Hanga (10), Shengelia (12), Voigtamnn (8) —hasierako bostekoa—, Blazic (4), Diop (4), Tillie (-), Larkin (24), Sedekerskis (-) eta Luz (-).
79 - Unicaja (23+13+23+20): Fogg (5), Smith (17), Dani Díez (8), Brooks (2), Musli (4) —hasierako bostekoa—, Lafayette (8), Waczynski (4), Nedovic (17), Alberto Diaz (1), Suarez (6), Okouo (-) eta Omic (5).
Epaileak: Carlos Peruga, Luis Miguel Castillo eta Andres Fernandez.
dres Fernandez.Zure interesekoa izan daiteke
A.J. Lawson hegalekoa aurkeztu du Baskoniak
A.J. Lawson hegalekoaren aurkezpen ofiziala egin du Baskoniak. NBAn esperientzia du kanadarrak, eta talde arabarrari “erasoan zein defentsan laguntzeko” iritsi dela adierazi du ekitaldian.
Khalifa Diopek Kosner Baskonia utzi du, eta Cleveland Cavaliers taldean arituko da
Pibot senegaldarrak hiru denboraldi eman ditu euskal taldean, eta, guztira, 138 partidatan kantxaratu da, Endesa Liga eta Euroligako norgehiagokak kontuan izanik. Errege Kopa bat irabazi du, 2026koa.
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.