Baskonia finalerdietan sartu da (90-81)
Shane Larkinek egindako azken laurden bikainak Errege Kopako finalerdietan sartu du Baskonia. Arabarrek 90 eta 81 irabazi diote Iberostar Tenerife ACBLigako bigarren sailkatuari.
Baskonia finalerdietan da berriro, Buesa Arenan bildutako 5.000 zaleen babesarekin. Partida bizia jokatu dute bi taldeek; hala ere, etxekoak nagusia izan dira beti markagailuan, kanariarrek amore eman ez duten arren.
Larkinek partida ikaragarria jokatu du: 26 puntu eta 8 asistentzia egin ditu, eta 34ko balorazioarekin amaitu du norgehiagoka. Kim Tilliek eta Adam Hangak ere maila oso ona eman dute.
Teneriferi dagokionez, Georgios Bogris eta Marius Grigonis izan dira onenak, baina euren lana ez da nahikoa izan talde kanariarra historian lehen aldiz finalerdietan sartzeko.
Iberostar beti atzetik izan da markagailuan. Hala ere, azken minututan bost puntura hurbildu da Vidorretaren taldea, baina Baskoniak ez du lekua galdu eta 90 eta 81 nagusitu da azkenean.
Real Madril, finalerdietan
Arabarrek RealMadridl izango dute aurkari finalerdietan. Pablo Lasoren taldeak Morabanc Andorra kanporatu du 99 eta 93, partida bukaera polemiko batean. Finalerdia larunbatean jokatuko da, 18:30ean.
Fitxa teknikoa:
90 - Laboral Kutxa (22+23+16+29): Larkin (26), Beaubois (10), Hanga (16), Tillie (10), Voigtmann (3) -hasierako boskotea-, Bargnani (6), Budinguer (10), Laprovittola (-), Luz (1) eta Diop (8).
81 - Iberostar Tenerife (15+19+21+26): San Miguel (5), Grigonis (23), Doornekamp (7), Hanley (-), Bogris (18) -hasierako boskotea-, Richotti (-), Davin White (10), Abromaitis (11), Vázquez (2), Kirksay (5) eta Bassas (-).
Partzialak: 22-15, 45-34 (atsedenaldia), 61-55 eta 90-81 (amaiera).
Zure interesekoa izan daiteke
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", berretsi du Galbiatik.
Tadas Sedekerskisek Kosner Baskoniako zaleekin abestu du "Ikusi Mendizaleak"
Lituaniako jokalaria euskararekin animatu da, eta euskal kanta ospetsua abestu du.
Gasteizek bere txapeldunei harrera beroa egin die zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniako entrenatzaile italiarra zeremonia-maisu izan da, eta Sedekerskis kapitaina 'Ikusi mendizaleak' abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Hau izan da Kosner Baskoniaren omenezko aurreskua
Kosner Baskoniak Errege Kopan lortutako garaipenaren ospakizunean, aurreskua dantzatu da txapeldunen omenez; Algara Dantza Taldea, bere 25. urteurrenean, horretaz arduratu da.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.
Baskoniaren zazpigarren Kopak utzitako hainbat bitxikeria: hamar jokalarik egin dute debuta, eta horietako bat, Forrest, MVP
Baskoniak 2009tik ez zuen Kopako finalik jokatzen, eta orduan ere gailendu zen; 73 urtean, soilik Unicajak eta Gasteizko taldeak menderatu dituzte Bartzelona eta Real Madril Kopa batean. Trent Forrestek bereganatu du MVP saria; duela 17 urte lortu zuen hori azkenekoz Baskoniako jokalari batek, Teletovicek, hain zuzen.