Garaipenak azken segundoan ihes egin dio Baskoniari
Baskoniak Iberostar Teneriferen aurka galdu du etxean, puntu bateko aldea izan arren 6 segundo falta zirenean. Javier Beiranen zaplada batek garaipena eman dio azkenean Kanarietako taldeari (72-73).
Baskoniak ez du jarraipenik izan jokoan. Gasteizko taldea 11 puntu atzean egotera heldu da.
Baskonistak aurkaria baino hobeto kantxaratu dira, erritmo eta intentsitate handiagoarekin. 7-0eko partziala lortu dute lehen minutuan, defentsan ondo aritzearen ondorioz.
Kanariarrek ez dute erantzun sendorik eman Sito Alonsoren taldearen defentsa onaren aurrean. Baskonia ondo kokatuta egon da kantxan. Hala ere, minutuak pasa ahala, Baskoniak ez du bide aurkitu erasoan.
Atsedenalria 30-32 joan da markagailua, eta hobeto etorri zaio geldialdia Iberostar Teneriferi. Baskonia aurretik jarri da berriro azken laurdenean, erasoari indarra eta defentsari intentsitatea gehitzeagatik.
6 segundo falta zirenean, 72-71ekoa jarri du Rodrigue Beauboisek. Txus Vidorretak eskatutako hutsartearen ostean, David Whitek huts egin du Iberostarren barneratze batean, baina Javier Beiranek zaplada eman dio baloiari Baskoniari garaipena lapurtzeko.
FITXA TEKNIKOA
Baskonia: Larkin (23), Beaubois (11), Hanga (8), Shengelia (2), Bargnani (13), -hasierako boskotea-, Voigtmann (3), Blazic (2), Luz (-) eta Tillie (10). 73.
Iberostar Tenerife: Bassas (2), White (17), Doornekamp (10), Beirán (10), Bogris (8) -hasierako boskotea-, San Miguel (-), Richotti (9), Abromaitis (3), English (4), Grigonis (6), Niang (4) eta Hanley (-).
Partzialak: 15-18, 15-14, 25-24 eta 17-17.
5-24 eta 17-17.Zure interesekoa izan daiteke
A.J. Lawson hegalekoa aurkeztu du Baskoniak
A.J. Lawson hegalekoaren aurkezpen ofiziala egin du Baskoniak. NBAn esperientzia du kanadarrak, eta talde arabarrari “erasoan zein defentsan laguntzeko” iritsi dela adierazi du ekitaldian.
Khalifa Diopek Kosner Baskonia utzi du, eta Cleveland Cavaliers taldean arituko da
Pibot senegaldarrak hiru denboraldi eman ditu euskal taldean, eta, guztira, 138 partidatan kantxaratu da, Endesa Liga eta Euroligako norgehiagokak kontuan izanik. Errege Kopa bat irabazi du, 2026koa.
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.