Baskoniak galdu egin du Zalgiris Kaunasen etxean 78-73
Azken laurdenean galdu du Baskoniak Kaunasen Zalgirisen aurka jokatutako norgehiagoka. Arabarrek 78-73 galdu dute, Euroliga honetan jasotzen duten lehen porrota da.
Talde gasteiztarra ondo hasi da, baina minutuek aurrera egin ahala, Sito Alonsoren gizonek behera egin dute. 12 puntu egin dituzte bakarrik azken laurdenean.
Lehen laurdenean 20 eta 23 gailendu dira arabarrak, batez ere defentsan egindako lan txukunari esker.
Bigarren laurdenean, Baskoniak intentsitateari eutsi dio eta aldea zazpi puntura igo du, 24-31, 14. minutuan, aurkariaren hutsak aprobetxatuz eta kontraerasoan jokatuz.
Gasteiztarrek burua hotz izan dute eta atsedenaldian markagailua alde izatea lortu dute, 34-40.
Atsedenaldiaren ostean, bi taldeak ondo aritu dira erasoan eta puntuak erraz sartu dituzte, bata bestearen atzetik. Arturas Milaknis onena izan da minutu horietan, min handia egin dio Baskoniari hiruko jaurtiketen bidez eta emaitza irauli du 53-52 (26. minutuan).
Azken laurden kaskarra
Hortik aurrera, indarrak parekatu egin dira eta Baskoniak ez du partida kontrolatzen asmatu. Gauzak horrela, hirugarren laurdena 61na amaitu dute.
Azken laurdenean Zalgiris hobeto aritu da. Arabarrak saiatu dira, modu ezberdinetan, baina momenturik garrantzitsuenean lau jaurtiketa libre huts egin dituzte. Ondorioz, Zalgiris Kaunasek eraman du garaipena, 78-73, eta Baskoniak lehen partida galdu du Euroliga.
Fitxa teknikoa
78. Zalgiris Kaunas (20+14+27+17): Kevin Pangos (6), Leo Westermann (20), Edgaras Ulanovas (8), Paulius Jankunas (6), Antanas Kavaliauskas (7) -hasierako boskotea-, Brock Motum (12), Robertas Javtokas (1), Arturas Milaknis (9), Augusto Lima (1), Renaldas Seibutis (2) eta Lukas Lekavicius (6).
73. Baskonia (23+17+21+12): Shane Larkin (11), Jaka Blazic (4), Adam Hanga (18), Tornike Shengelia (13), Andrea Bargnani (17)-hasierako boskotea-, Johannes Voigtmann(4), Rafa Luz (-), Kim Tillie (2), Josh Akognon (4) eta Ilimane Diop (-).
imane Diop (-).Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.