Laboral Kutxa Baskonia, Lauko Finalerako prest
Iritsi da Euroligako Lauko Finaleko astea eta Laboral Kutxa Baskonia bere historiako hitzordu garrantzitsuenetako baten aurrean dago. Lauko Finala maiatzaren 13tik 15era artean jokatuko da Berlinen. ETB1ek eta eitb.eus-ek zuzenean eskainiko dituzte ostiraleko bi finalerdiak eta maiatzaren 15ean jokatuko den final handia.
Baskoniak partidez jositako bi aste izan ditu. Bartzelonaren aurka atzeratuta geratu zen partida jokatu zuen lehenengo; ondoren, Endesa Ligako partida jokatu zuen duela bi asteburu; asteazkenean (maiatzak 4) FIATC Joventuten aurka jokatu zuten, eta igaro berri den asteburuan Endesa Ligako partida izan zuten Morabanc Andorraren kontra. Orain, Lauko Finalean besterik ez dute pentsatu behar.
Velimir Perasovic entrenatzaileak jokalari guztiak prest ditu ostiraleko hitzordu handirako. Fabian Caseur justutxo iristen da, baina beste taldekide guztiak sasoiko daude. Darius Adams eta Mike James erakustaldiak ematen ari dira azken partidetan, Bourousis Euroligako bosteko onenean sartu dute, eta Adam Hangak bere azken lesioa guztiz gaindituta duela erakutsi du. Gainera, gutxiago jokatzen duten jokalariek argi utzi diote Perasovici berak nahi duenean onena emateko prest egondo direla.
Ostiralean, ordea, Baskoniak ez du aurkari erraza izango. Fenerbahçe Euroliga irabazteko hautagi nagusietako bat da, eta final-laurdenetan Real Madril aise kanporatu zuen. Turkiarren eta euskaldunen arteko lehiatik finalista bat aterako da, eta beste finalista errusiarra izango da CSKAk eta Lokomotivek indarrak neurtuko baitituzte beste finalerdian.
Lauko finala maiatzaren 13an hasiko da, 18:00etan jokatuko den CSKA-Lokomotiv finalerdiarekin. Egun berean, baina 21:00etan, Baskonia-Fenerbahçe finalerdia jokatuko da. Final handia maiatzaren 15ean (ostirala) izango da.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.