Laboral Kutxak porrot mingarria jaso du Herbaliferen eskutik
Laboral Kutxa Baskoniak 93-90 galdu du Herbalife Gran Canaria taldearen aurka. Kanariarrak bosgarren postuan daude sailkapenean eta aldeak murriztu dituzte laugarren postuan dagoen Baskoniarekiko. Bi garaipeneko aldea dute orain arabarrek.
Partida oso parekatua izan da hasieratik amaieraraino. Lehen laurdena borrokatua izan da. Baskoniak agindu du hasieran, baina Herbalifek ez dio markagailuan alde egiten utzi eta etxeko taldearen aldeko bi puntuko abantailarekin amaitu dira lehen hamar minutuak (26-24). Bigarren laurdenean, ordea, Laboral Kutxa aurkaria baino gehiago izan da, eta zazpi puntuko aldea lortu du (41-48), lehia atsedenaldira iritsi denean.
Atsedenalditik bueltan, aldiz, etxeko taldea askoz hobeto zelairatu da, eta 16-2ko partziala sartu dio Laboral Kutxari. Ondorioz, talde kanariarra aurretik jarri da markagailuan eta zortzi puntuko aldea ere eskuratu du (65-57) laurdena amaitzeko bi minutu falta izan direnean. Hirugarren laurdenaren amaieran etorri da Baskoniaren erreakzioa eta puntu bakarrera murriztu dute desabantaila (67-66).
Azken laurdena oso lehiatua izan da. Laboral Kutxak aurrea hartu du (83-84) amaierarako bi minutu falta izan direnean, baina azken jokaldietan Herbalifek gehiago asmatu eta garaipena eskuratzea lortu du (93-90).
Fitxa teknikoa:
93. Herbalife Gran Canaria (26+15+26+26): Oliver (6), Salin (16), Newley (3), Baez (4) eta Savane (5) -hasierako bostekoa-, Pangos (15), Seeley (12), Rabaseda (6), Omic (16) eta Aguilar (10).
90. Laboral Kutxa Baskonia (26+22+18+24): Adams (6), Hanga (4), Bertans (6), Planinic (17) eta Tillie (6) -hasierako bostekoa-, Blazic (8), James (21), Bourousis (19) eta Corbacho (3).
Epaileak: Martin Bertran, Peruga eta Munar.
ruga eta Munar. ruga eta Munar.Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.