Baskoniak Murtzian galdu du, amaiera polemikoko partidan (68-66)
Laboral Kutxa Baskoniak ezin izan du bolada onari eutsi, eta Murtzian galdu du, 68-66, UCAMen aurka. Perasovicen gizonei zehaztasuna eta freskotasuna falta izan zaie, ostiralean Bartzelonan partida gogorra jokatu ostean; hala ere, azken segundora arte izan dituzte aukerak gasteiztarrek, eta, hain zuzen, oso eztabaidagarria izan den jokaldi batek saihestu du luzapena. Shengeliak saskiratzea lortu du, baina epaileek esan dute ez zuela balio, denboraz kanpo zegoelako, eta georgiarrak ez duela faltarik jaso.
Ez dira ondoegi sartu partidan gasteiztarrak. Lehen laurdena amaituta, atzetik zeuden markagailuan, baina etxekoen aldeko aldea ez zen handia, eta Baskoniak azkar desegin du bigarren laurdenean. Atsedenaldian, oreka zen nagusi; bi taldeak defentsan zeuden hobeto, erasoan baino. Hirugarren laurdenean, ematen zuen Baskoniak aurrera joko zuela, eta zazpi punturainoko aldeak izan ditu, baina Perasovicen gizonek ezin izan diote abantailari eutsi eta ia-ia parean heldu dira UCAM eta Laboral Kutxa azken minutuetara.
Une erabakigarrietan, UCAM Murtziak Baskoniak baino hobetu kontrolatu du urduritasuna. Hiruko batek hiru puntuko aldea eman diete etxekoei, 86-65, baina pertsonal batek, segundo eta erdiren faltan, Tillie kokatu du jaurtiketa libreen marran. Frantziarrak sartu du lehena eta huts egin bigarrenean; Shengeliak errebotea jaso du eta saskiratzea lortu du, baina denboraz kanpo egin du. Baskoniak protesta egin du, zeren eta eskatzen zuen georgiarrak falta jaso duela jokaldian, baina epaileek ezetz esan dute. Azkenean, 68-66, ezin izan du Baskoniak.
Partidaren fitxa
68. Universidad Católica de Murcia Club Baloncesto (20+14+22+12): Campazzo (12), Benite (7), Rojas (4), Antelo (11) y Faverani (7) -hasierako boskotea-, Cabezas (2), Radovic (4), Lishchuk (2), Wood (8), Kelati (9) eta Arteaga (2).
66. Laboral Kutxa Baskonia (14+20+24+8): Adams (14), Causeur (6), Hanga (3), Shengelia (10) e Ilimane Diop (-) -hasierako boskotea-, James (8), Planinic (-) Bourousis (13), Blazic (7), Tillie (1) eta Corbacho (4).
o (4).
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.