Laboral Kutxak aise irabazi du Valladoliden (58-87)
Laboral Kutxa Baskoniak denboraldiko bigarren garaipena lortu du Endesa Ligan, CB Valladoliden kontra (58-87). Gasteizko taldeak aise irabazi du Pisuergako kantxan, eta sailkapenean aurrerapauso garrantzitsua eman dute.
Andres Nocionik bi hiruko garrantzitsu lortu ditu aurreneko minutuetan, eta Sergio Scarioloren gizonak markagailuan goitik jarri dira (6-9). Haritopoulosek puntu garrantzitsuak eksuratu ditu, eta Valladolidek neurketa berdindu egin du. Hala ere, Mainoldik 13-20koa jarri du aurreneko laurdenaren bukeran.
Bigarren laurdenean Valladolidek gogor sakatu du erasoan, eta 20-20koa jarri du markagailuan. Hala ere, Baskoniak ondo mugitu du baloia erasoan, eta Milko Bjelicak 24-29koa jarri du hiruko ikusgarri batekin. Arabako taldea oso eroso egon da kantxan, eta atsedenaldian 24-40 nagusi izan dira Scarioloren gizonak.
Hirugarren laurdenean Gateizko taldeak gogor jokatu du erasoan, eta Diopek minutu onak eman ditu taula azpian (35-53). Valladolidek ez du erasoan asmatu, eta Scarioloren taldeak markagailuko aldea aise handitu du (42-65).
Laboral Kutxak intentsitatea jaitsi du azkenengo laurdenean, eta etxeko taldeak aldea murriztu egin du. Hala ere, Baskoniak erasoan ondo jarraitu du, eta aldea handitu egin du, pixkanaka (54-79). Azkenengo emaitza 58-87 izan da.
Fitxa teknikoa:
58 - CB Valladolid (13+11+18+16): Vilhjalmsson (4), Suka-Umu (2), Wright (-), Vasilopoulos (4), Haritopoulos (22) -hasierako bostekoa-, Johnson (7), Andjusic (12), Rowe (5), Ivan Martinez (-), Sinanovic (2) eta Izquierdo (-).
87 - Laboral Kutxa (20+20+25+22): Hodge (2), Jelinek (9), San Emeterio (15), Nocioni (13), Pleiss (6) -hasierako bostekoa-, Heurtel (7), Mainoldi (9), Kaukenas (9), Bjelica (8), Van Oostrum (-), Kelati (-) eta Diop (9).
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.