Caja Laboral Euroligatik kanpo geratu da, burua gora (85-94)
Caja Laboral Baskonia Euroligatik kanpo geratu da, CSKAren aurka jokatutako final-laurdenetako laugarren partidan porrota jasota (85-94). Zan Tabaken gizonek ezin izan dute bosgarren partida behartu, baina burua gora agurtu dira.
Ettore Messinaren taldeak beste itxura bat eman du, hasieratik. Asteazkenean ez bezala, intentsitatearekin jokatu dute moskutarrek aurreneko jokalditik. Teodosic eta Khyrapa jokalarien ekarpena erabakigarria izan da CSKAren jokoan. Baskoniak aurkariari aurre egin dio, eta azpimarratzekoa da Lamperen eta Milko Bjelicaren parte-hartzea. Partida oso parekatua zegoen, eta lehen laurdena 20-22 bukatu da.
Bigarren laurdenean ere berdintasuna izan da nagusi. Bisitariek 0-5eko partziala lortu dute, baina azkar suspertu da Baskonia eta, joko sendoa eginez, lehen laurdeneko kontzentrazioari eutsi dio. Atsedenaldian, 34-36.
Indartsu hasi du CSKAk hirugarren laurdena, Weemsek batez ere, eta markagailuan hamabi puntuko errenta lortu du (40-52). Defentsari esker, bizirik jarraitu du Baskoniak, baina azken laurdenari maldan gora ekin dio (54-67).
Zortzi puntura hurbildu da Caja Laboral (64-72), baina epaileek gasteiztarren aurkako hainbat erabaki hartu dituzte, eta Buesa Arenako zaleek euren haserrea agertu dute. Arrazoi guztiarekin.
Norgehiagokak erabat apurtuta ematen zuen, baina Baskonia ez zegoen amore emateko prest, eta Heurtel handi bati eskeri hiru puntura jarri da Baskonia (82-85), amaierarako 1:37-ren faltan. Baina ezin izan dute lortu, eta CSKAk lortu du Londresen jokatuko den Lauko Finalerako txartela. Causeur, Weems eta Khyrapa jokalariek 19 puntu bana egin dituzte.
Fitxa teknikoa:
CAJA LABORAL: Cook (3), Causeur (19), Nocioni (3), M.Bjelica (6) etaLampe (7) --hasierako boskotea-- Heurtel (17), San Emeterio (15), N.Bjelica (7) eta Pleiss (8).
CSKA MOSKU: Teodosic (13), Weems (19), Khryapa (19), Kaun (5) eta Erceg (-) --hasierako boskotea-- Jackson (3), Micov (12), Papaloukas (4), Sokolov (-) eta Krstic (19).
Partzialak: 20-22, 14-14, 20-31, 31-27.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.