Baskoniak bigarren porrota jarraian jaso du Top 16an
Caja Laboral Baskoniak Euroligako Top 16ko bigarren porrota jaso du Khimkiren aurka 71-83 galduta Buesa Arenan. Bartzelonaren aurka galdu zuen Baskoniak iragan jardunaldian, eta errusiarren aurka galduta, bigarren porrota jarraian jaso dute.
Partidari ondo ekin dio Caja Laboralek. Zan Tabakek zuzentzen duen taldeak azkar lortu du sei puntuko abantaila (12-6), baina Khimki ez da behera etorri, eta desabantaila azkar murriztu du (13-16). Hasierako laurdenaren azken txanpan, talde errusiarrak Baskoniak baino gehiago asmatu du, eta Khimkiren aldeko markagailuarekin bukatu dira lehen hamar minutuak (18-19).
Bigarren laurdena oso parekatua izan da. Lehen minutuetan bi taldeetako bat ere ez da abantaila handiak lortzeko gai izan, baina minutuak pasa ahala Caja Laboral hasi da nagusitzen. Baskoniak zazpi puntuko aldea eskuratu du (35-28), eta azken txanpara bederatzi puntuko abantailarekin iritsi da (45-36). Baina Khimkik kalitate handiko jokalariak ditu, eta atsedenaldira bi puntuko desabantailarekin iristea lortu dute (45-43).
Hirugarren laurdenean apurtu da partida. Khimkik agindu du atsedenalditik bueltan, eta Caja Laboralek zailtasunak izan ditu jokoaren arlo guztietan. Talde errusiarra gero eta erosoago sentitzen hasi da, eta sei puntuko abantaila lortu du hirugarren laurdenaren amaieran (56-62).
Azken laurdenean Khimki izan da jaun eta jabe. Baskonia ezinean ibili da azken hamar minutuetan, eta ondorioz, talde errusiarrak lortu du garaipena, 71-83ko emaitzarekin.
Fitxa teknikoa:
71 - Caja Laboral (18+27+11+15): Heurtel (2), San Emeterio (2), Causeur (15), M. Bjelica (9), Lampe (13) -hasierako bostekoa-, Cook (5), Nocioni (11), Pleiss (2), N. Bjelica (12).
83 - Khimki (19+24+19+21): Planinic (13), Koponen (5), Vyaltsev (2), Loncar (2), Augustine -hasierako bostekoa-, Rivers (16), Zhukanenko, Davis (20), Monya (10), Fridzon (11), Nielsen (4).
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.