Bilbao Basketek Istanbulen irabazi behar du, aukerak izaten jarraitzeko
Surne Bilbao Basketek Darüssafaka Lassa taldearen etxean jokatuko du astearte honetan Istanbulen, Volkswagen Arenan (18:00), irabazteko premia handia duela. Gaur irabazten badu, bere esku izango du FIBA Txapeldunen Ligako final-laurdenetara sailkatzea.
Bizkaiko taldea egoera zailean heldu da BCL FIBAko TOP16ko azken-aurreko jardunaldira, aukera gutxirekin, beste emaitza batzuen zain egon beharko baitu, joan den astean Miribillan porrota jaso eta gero Lenovo Tenerife egungo txapeldunaren aurka.
FIBAko 16 talde onenak jokoan jarri dituen fasea amaitzeko bi jardunaldi falta direnean, Jaume Ponsarnauren taldeak partida bakarra irabazi du Bilbon, astearteko aurkariaren kontra (85-75). Astearteko partida irabazteaz gain, UCAM Murtziarekiko 18 puntuko aldea (90-72) irauli beharko du aurrera egiteko.
Erronka arinagoa izan liteke Bilboko taldearentzat Darüssafaka menderatuz gero, Murtziak Teneriferen aurka galtzen badu asteazkenean (20:30). Gainera, azken bi talde horiek Istanbulgo emaitzaren berri jakingo dute aurretik.
Turkian galdu, eta UCAMek Lenovo menderatzen badu, Bilbao Basket TOP16tik kanpo geratuko da.
Gainera, astearteko partida zailagoa da beltzezko gizonentzat, aurreko jardunaldian Darüssafakak Murtzia menderatu zuelako, bi luzapen behar izan zituen partidan.
Lehen itzulian, Bilbao Arenan, hirugarren fase honetako lehen jardunaldian, etxekoek bigarren zatian hartu zuten mendean orain aurkari izango duten taldea.
Astearterako, Bilboko taldeko kideen egoerari dagokionez, zalantzan jarraitzen du Denzel Andersson hegal-pibotak; azken hiru jardunaldietan bajan egon da, lunbalgiak jota. Ponsarnauren errotazioko jokalaririk garrantzitsuenek ere arazo fisikoak dituzte; izan ere, Ludde Hakansonek eta Adam Smithek igandean WiZink Centerren min hartuta jokatu zuten Real Madrilen aurka.
Zure interesekoa izan daiteke
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Errege Kopako hamar jokaldi onenak
Amaitu da saskibaloiko Errege Kopa, eta hemen bildu ditugu txapelketako hamar jokaldi onenak. Jokaldi onena Trent Forresten mate bat izan da.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.
Baskoniaren zazpigarren Kopak utzitako hainbat bitxikeria: hamar jokalarik egin dute debuta, eta horietako bat, Forrest, MVP
Baskoniak 2009tik ez zuen Kopako finalik jokatzen, eta orduan ere gailendu zen; 73 urtean, soilik Unicajak eta Gasteizko taldeak menderatu dituzte Bartzelona eta Real Madril Kopa batean. Trent Forrestek bereganatu du MVP saria; duela 17 urte lortu zuen hori azkenekoz Baskoniako jokalari batek, Teletovicek, hain zuzen.
Baskoniako jokalarien eta teknikarien ospakizunen irudi galeria, 2026ko Errege Kopa bereganatu ostean
Kosner Baskoniak 89-100 irabazi dio igande honetan Real Madrili eta 2026ko Errege Kopa bereganatu da. Ikusi galeria honetan nola ospatu duten baskoniarrek Valentziako Roig Arena kantxan.
Galbiati: "Zintzoki, oso pozik nago nire jokalariengatik eta nire taldeagatik"
Paolo Galbiati Baskoniako entrenatzailearen adierazpenak, Errege Kopa Real Marid taldearen aurka 89-100 irabazi ondoren.
Poza eta festa Gasteizen, Baskoniako jarraitzaileen artean
Gasteizko kaleak lehertu dira, Baskoniak garaipena erdietsi baitu. Poza eta festa nagusitu dira zaleen artean, eta bertan izan gara.
Real Madrilen eta Baskoniaren arteko Errege Kopako finalaren laburpena
Kosner Baskoniak 89-100 irabazi dio igande honetan Real Madrili eta 2026ko Errege Kopako txapeldun izendatu da Valentziako Roig Arenan.
Euforia nagusitu da Valentzian Baskoniako zaleen artean
Real Madrilen eta Kosner Baskoniaren arteko finala amaitu bezain laster, euforia nagusitu da baskoniako jarraitzaileen artean. Roig Arenako kanpoaldean egon gara horietako batzuekin.