IDK Euskotren eta Lointek Gernika titulua lortzeko aukera gabe geratu dira
IDK Euskotren eta Lointek Gernika Bizkaia Endesa Ligako titulua irabazteko aukera gabe geratu dira ostegun honetan (apirilak 29), Spar Gironaren eta Perfumerias Avenidaren aurka porrotak jasota, hurrenez hurren.
Final-laurdenetako itzuliko partidan IDK Euskotrenek ez du aukerarik izan Gironaren aurka. Gipuzkoako taldeak bost puntugatik galdu zuen joaneko neurketa, eta itzulikoan porrota jaso du 67-54ko emaitzarekin.
Gironako eta Donostiako taldeen arteko lehiako lehen saskiratzea Gironak sartu du, eta, ordutik aurretik ibili da markagailuan. Puntu bakarrera hurbildu da IDK Euskotren estraineko laurdenaren erdialdean (8-7), baina Spar Gironak zortzi puntuko errenta erdietsi du (18-10) lehen hamar minutuen amaieran. Bigarren laurdenean jaun eta jabe izan da Kataluniako taldea, eta aldeko 38-20ko emaitzarekin iritsi da atsedenaldira. Bideratuta utzi du garaipena Gironak atsedenaldira iritsitakoan, eta hirugarren laurdenean IDK Euskotrenek aldeak pixka bat murriztu dituen arren, 14 puntuko desabantailarekin heldu da azken laurdenera (46-32). Amaierako hamar minutuetan kontrolpean izan du neurketa Spar Gironak eta IDK Euskotrenek porrota jaso du (67-54).
Lointek Gernika ere ezinean ibili da Perfumerias Avenidaren kontrako norgehiagokan. Final-laurdenetako joaneko partida 15 puntugatik galdu zuen Bizkaiko taldeak (70-85), eta itzulikoan ere Perfumerias Avenida izan da nagusi (73-43).
Salamancan jokatu den neurketan, Perfumerias Avenidak erakustaldia eman du Lointek Gernikaren aurka. Hasieratik amaieraraino jaun eta jabe izan da etxeko taldea. Lehen laurdenaren amaieran utzi du garaipena bideratuta Perfumerias Avenidak (23-6). Atsedenaldira 27 puntuko desabantailarekin joan da Lointek Gernika Bizkaia (48-21). Salamancako taldeak kontrolpean izan du neurketa hirugarren laurdenean (58-34), eta azkenean garaipena lortu du, 73-43ko emaitzarekin.
Perfumerias Avenidak Cadi La Seu izango du aurkari finalerdietan; Spar Gironak, aldiz, Valentziarekin neurtuko ditu indarrak.
Zure interesekoa izan daiteke
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", berretsi du Galbiatik.
Tadas Sedekerskisek Kosner Baskoniako zaleekin abestu du "Ikusi Mendizaleak"
Lituaniako jokalaria euskararekin animatu da, eta euskal kanta ospetsua abestu du.
Gasteizek bere txapeldunei harrera beroa egin die zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniako entrenatzaile italiarra zeremonia-maisu izan da, eta Sedekerskis kapitaina 'Ikusi mendizaleak' abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Hau izan da Kosner Baskoniaren omenezko aurreskua
Kosner Baskoniak Errege Kopan lortutako garaipenaren ospakizunean, aurreskua dantzatu da txapeldunen omenez; Algara Dantza Taldea, bere 25. urteurrenean, horretaz arduratu da.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Errege Kopako hamar jokaldi onenak
Amaitu da saskibaloiko Errege Kopa, eta hemen bildu ditugu txapelketako hamar jokaldi onenak. Jokaldi onena Trent Forresten mate bat izan da.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.