Delteco GBCk Ligako bigarren partida ere galdu du, Zaragozaren aurka oraingoan
Delteco GBCk galdu egin du Tecnyconta Zaragozaren aurkako partida (76-73), azken hiru minutuetan partzial negargarria jaso ostean (9-0). Horrenbestez, Sergio Valdeolmillosen mutilek denboraldiko bigarren porrota pilatu dute beste horrenbeste jardunaldi jokatu ostean.
Partida ez da oso ikusgarria izan, eta bi taldeek izan dituzte eraikitze-prozesuan murgilduta dauden taldeek egin ohi dituzten akatsak. Dena den, donostiarrek ondo jardun dute, batez ere bigarren zatian, baina tarte horretan egindako lana bertan behera geratu da zorigaiztoko azken minutuan.
Minutu horretan etxekoek azaldu duten grinak eta eraginkortasunak garaipena eman die, nahiz eta ordura arte norgehiagoka nola joan den ikusita gutxik espero zuten partida irabaziko zutenik.
Lehiako azken 60 segundoetan, Aragoiko taldeak garaipena eman dion 6-0eko partziala lortu du, gipuzkoarren hiru akats baliatuta.
Gipuzkoa Basketen aldetik, Vyachslav Bobrov (16 puntu eta 18ko balorazioa) eta Blagota Sekulic (17 puntu eta 22ko balorazioa) izan dira jokalaririk nabarmenenak.
Fitxa teknikoa:
Tecnyconta Zaragoza 76 (16+19+22+19): McCalebb (9), Santana (8), Okoye (10), Radovic (11), Fran Vazquez (12); Justiz (2), Barreiro (2), Berhanemeskel (8), Seibutis (4), Alocén (8), Pradilla (-) eta Marti (2).
Delteco GBC 73 (17+17+25+14): Jorge Gutierrez (8), Nevels (11), Salvo (7), Bobrov (16), Barro (-); Van Lacke (2), Dani Pérez (9), Oroz (-), Sekulic (17), Burjanadze (-) eta Corbacho (3).
Epaileak: Garcia Gonzalez, Calatrava eta Esperanza Mendoza. Ez dute inor kaleratu.
Zure interesekoa izan daiteke
Surne Bilbaok FIBA Europa Kopako finalerdietara gerturatzeko balio dion garaipena lortu du Turkian
Jaume Ponsarnauren taldeak zortzi puntuko aldea lortu du Petkimspor taldearen aurka, final-laurdenetako joaneko partidan.
Kosner Baskoniak Dubai taldearen aurka jokatuko du ostegunean Euroligan, Sarajevon
Paolo Galbiatiren taldearen aurkariak Bosniako hiriburuan jokatzen ditu etxeko partidak, Ekialde Erdikoan dagoen gerra egoerarengatik. Dubaik lau garaipen lortu ditu jarraian Euroligan, eta txapelketan segitzeko aukerei eustea bilatuko du.
?fmt=webp-alpha&qlt=80)
Surne Bilbaok FIBA Europa Kopako finalerdietarako sailkatzea bideratzea bilatuko du Petkim Sporren kantxan, asteazken honetan
Txapelketako final-laurdenetako joaneko partida asteazkenean jokatuko da, 18:15etik aurrera, eta zuzenean emanen da kirolakeitb.eus-en eta ETB4ren bidez.
Trent Forrest, Endesa Ligako 21. jardunaldiko jokalari onena
Estatubatuarrak 18 puntu lortu, lau asistentzia eman eta bost errebote harrapatu zituen Buesa Arenan jokatutako azken partidan, Força Lleidaren aurka.
Kosner Baskonia garaiz esnatu da Lleidaren nagusitasunari buelta emateko (93-90)
Kosner Baskonia, Eugene Omoruyiren gidaritzapean, garaiz suspertu da Buesa Arenan, nagusi izaten ari zen Hiopos Lleidari aurre egiteko. Partidaren zati handi batean oso nabaria izan da aldea, baina azkenean 93-90 gailendu da Baskonia.
Surne Bilbaok alferrik galdu du 14 puntuko errenta Burgosen (96-88)
San Pablo Burgosek mendean hartu du Surne Bilbao Basket larunbat honetan, Endesa Ligako 21. jardunaldian. Bilboko taldeak 14 puntuko errenta izan du hirugarren laurdena bukatzean (61-75), baina ez du aprobetxatzen jakin.
Kosner Baskoniak argi galdu du Parisen aurka (81-97), eta bolada txarrean jarraitzen du Euroligan
Euskal taldeak bost partida daramatza garaipenik lortu ezinik nazioarteko txapelketan. Paris Basketballen kontrakoan, Galbiatiren gizonak lehen laurdenetik izan dira atzetik markagailuan, eta Frantziako taldeak bigarren laurdenean hautsi du neurketa.
Kutxabank Araskik eta IDK Euskotrenek irabazi egin dute Endesa Ligan, eta Lointek Gernikak galdu du
Kutxabank Araskik garaipena eskuratu du etxean Joventuten aurka (83-68), IDK Euskotrenek ere irabazi egin du Kanaria Handien aurka (63-76), eta Lointek Gernikak galdu egin du Valentziaren aurka (67-68).
Kosner Baskoniak sailkapenaren azken postuetatik ateratzea bilatuko du ostiral honetan Parisen aurka
Arabarrak lesioen ondorioz ahuldutako talde batekin ailegatzen dira neurketara, aurretik ezagututako hutsunei, iparramerikar jokalariena, Rodion Kurucsena eta Matteo Spagnolorena gehitu dira.
Harald Freyek giharretako haustura du
Surne Bilbaoko jokalariak Recoletas Salud San Pablo Burgosen aurkako partida ezin izango du jokatu, hurrengo larunbatean.