Baskoniak derbia irabazi eta Bilbao Basket playoffik gabe utzi du
Baskoniak 64-75 irabazi dio RETAbet Bilbao Basketi asteazken honetan Bilbao Arenan jokatutako euskal derbia. Ondorioz, Bizkaiko taldea playoffetan sartzeko aukerarik gabe geratu da. Garaipen honi esker Arabako taldeak bere esku du playoffetan zerrendaburu izatea, azken jardunaldian.
Etxeko taldea izan da nagusi hasierako minutuetan (8-4 eta 10-6), baina Baskoniak ez dio Bilbao Basketi abantaila hartzen utzi eta neurketa parekatu egin du (14-14). Lehen laurdeneko azken minutuak oso lehiatuak izan dira, eta Arabako taldeak puntu bateko abantailarekin amaitu ditu lehen hamar minutuak (20-21). Bigarren laurdena oso kaskarra izan da. Bi taldeek huts asko egin dituzte, eta ez dira fin ibili aurkariaren saski aurrean. RETAbet Bilbao Basketek zortzi puntu besterik ez ditu lortu bigarren laurdenean; Baskoniak, aldiz, 12 puntu bakarrik. Ondorioz, bisitarien aldeko bost puntuko aldearekin iritsi da lehia atsedenaldira (28-33).
Atsedenaldia ondo etorri zaie bi taldeei eta estatistika hobeak lortu dituzte. Bilbao Basket, Baskonia baino pixka bat hobea izan da hirugarren laurdenean eta atsedenaldian izan duen bost puntuko desabantaila hiru puntura murriztu du (49-52). Dena azken hamar minutuetan erabaki da. Ematen izan du Baskoniak edozein unetan irekiko duela aldea markagailuan, baina puntu batzuetako abantaila hartzen izan duen bakoitzean RETAbet Bilbao Basketen erantzuna etortzen izan da, neurketa berriro parekartuz. Azken hiru minutuetan, ordea, Arabako taldea nagusi izan da, gehiago asmatu du aurkariaren saki aurrean eta Baskoniak lortu du garaipena euskal derbian (64-75).
Fitxa teknikoa:
64 - RETAbet Bilbao Basket (20+8+21+15): Tabu (8), Todorovic (9), Mumbru (11), Hervelle (4) eta Eric (8) -hasierako bostekoa-; Salgado, Borg (9), Lapornik, Mendia, Buva (15) eta Llorente.
75 - Baskonia (21+12+19+23): Larkin (6), Blazic, Hanga (12), Shengelia (12) eta Voigtamnn (6) -hasierako bostekoa-, Laprovittola (2), Luz (2), Beaubois (18), Tillie (7), Diop (8) eta Sedekerskis (2).
Partzialak: 20-21, 28-33 (atsedenaldia); 49-52 eta 64-75 (amaiera).
Zure interesekoa izan daiteke
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", berretsi du Galbiatik.
Tadas Sedekerskisek Kosner Baskoniako zaleekin abestu du "Ikusi Mendizaleak"
Lituaniako jokalaria euskararekin animatu da, eta euskal kanta ospetsua abestu du.
Gasteizek bere txapeldunei harrera beroa egin die zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniako entrenatzaile italiarra zeremonia-maisu izan da, eta Sedekerskis kapitaina 'Ikusi mendizaleak' abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Errege Kopako hamar jokaldi onenak
Amaitu da saskibaloiko Errege Kopa, eta hemen bildu ditugu txapelketako hamar jokaldi onenak. Jokaldi onena Trent Forresten mate bat izan da.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.