Gipuzkoa Basketek garaipen garrantzitsua lortu du Andorraren aurka
RETAbet.es GBC taldeak 83-80 irabazi dio Morabanc Andorrari Illunben eta mailari eustea zail duen arren, aukerekin jarraitzen du Gipuzkoa Basketek. Denboraldiko bosgarren garaipena lortu du talde gipuzkoarrak.
Lehen laurdena parekatua izan de arren, Andorrak pixka bat hobeto jokatu du, eta bost puntuko abantaila eskuratu du (19-24). Bigarren laurdenean, aldiz, Gipuzkoa Basketek lan bikaina egin du erasoko eta defentsako jokoan eta atsedenaldira aurretik iristea lortu dute Porfi Fisacek zuzentzen dituen mutilek (46-44).
Atsedenaldiaren ostean, partida oso parekatuta mantendu da. Bi taldeek ondo jokatu dute, eta ezin izan dute markagailuan alde handirik lortu. Dena den, hirugarren laurdena Morabanc Andorraren aldeko bi puntuko aldearekin bukatu da (61-63). Azken laurdena oso lehiatua eta parekatua izan da. Azken minutuan eta jaurtiketa libreen marratik erabaki da irabazlea. Gipuzkoa Basketek asmatu egin du jaurtiketa libreekin eta partida irabaztea lortu du (83-80).
Fitxa teknikoa:
83.- Retabet.es GBC: Llompart (12), Urtasun (14), Grimau (13), Landry (11), Doblas (4)- hasierako bostekoa- Vrikc (13), Agbelese (6), Wear (6), Motos (2), Olaizola, Soluade (2).
80.- Morabanc Andorra: Sada (2), Navarro (7), Gomes (9), Bogdanovic (15), Shermadini (6)-hasierako bostekoa- Schreiner, Pino, Clark (7), Jones (11), Holt (10), Stojanovski (13).
Epaileak: Cortes, Bulto eta Caballero.
Partzialak laurden bakoitzean: 19-24; 46-44-atsedenaldia- 61- 63; 83-80.
83-80.
Zure interesekoa izan daiteke
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die, zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniaren entrenatzaile italiarra zeremonia-maisu izan da, eta Sedekerskis kapitaina Ikusi mendizaleak abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Errege Kopako hamar jokaldi onenak
Amaitu da saskibaloiko Errege Kopa, eta hemen bildu ditugu txapelketako hamar jokaldi onenak. Jokaldi onena Trent Forresten mate bat izan da.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.