Retabet.es GBCk ezin izan dio Bartzelona liderrari eutsi (69-84)
Bartzelona Lassa sendoago dago Endesa Ligako lidergoan Retabet.es GBC azken sailkatuari aise gailendu ostean. Xavi Pascualen taldeak eroso jokatu du; batez ere, Aleksander Venzekovek, Ante Tomicek eta Storanskik egindako jokoari esker.
Talde donostiarrek ondo eutsi dio aurkariari lehen laurdenean, Jordi Grimau bikain aritu delako. Baina Grimauk bakarrik ezin izan dio Bartzelonari aurre egin eta kataluniarrak erritmoa hartzen hasita zeuden.
Blaugranak maisu aritu dira erasoan, kanpoko jaurtiketetan bikain, eta Abrines, Vezenkoc eta Satoranski geldiezin. Ondorioz, bigarren laurdenean aldea zabaltzen hasi dira markagailuan.
Atsedenaldiaren ostean, gauzak ez dira aldatu. Bartzelona jaun eta jabe izan da eta 20 puntuz gorako aldeak ere izan dituzte (29-49).
Orduan Marcus Landry agertu da, eta zortzi puntu jarraian sartu ditu, bere taldea 14 puntura jartzeko. Baina Bartzelona bere horretan jarraitu du.
Gauzak horrela, azken minutuetara lasai asko iritsi dira blaugranak, eta indarrak gorde dituzte hurrengo partidei begira. Azkenean, GBC galtzaile, etxean.
Fitxa teknikoa:
69.- Retabet.es GBC: Llompart (5), Urtasun (12), Grimau (11), Landry (25), Doblas (2)- hasierako boskotea- Wear (5),Vrkic (3), Olaizola (3), Motos, Agbelese (2), Andrés Rico (1).
84.- Barcelona Lassa: Olesson (3), Satoranski (15) Abrines (14), Doellman (3), Tomic (12)- hasierako boskotea- Diagné- Arroyo (5), Ericksson (5), Vezenkov (15), Samuels (9), Perperoglou (3).
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Itziar Ariztimuñok 2027ra arte berritu du IDK Euskotrenekin
Antolatzaile bizkaitarra, 2025ean talde donostiarrera ailegatu zena, Azu Muguruzak gehien erabili duen jokalarietako bat izan da, IDK Euskotrenen eman duen lehenengo denboraldian.
Petrasekek 2028ra arte berritu du kontratua Surne Bilbaorekin
New Yorken jaio arren herritartasun poloniarra duen jokalariak denboraldi bakarra darama Bilbon, "baina bere tokia aurkitu du taldearen errotazioan eta jokalari garrantzitsua bihurtu da", talde bizkaitarrak nabarmendu duenez.
Endesa Ligako 33. jardunaldiaren 10 jokaldi onenak
Endesa Ligako 33. jardunaldia jokatu da jada, eta hemen bildu ditugu ligako jokaldirik onenak.
Sami Hillek ez du Araskin jarraituko
Azkeneko hiru denboraldiak Gasteizko taldean eman ditu jokalari kanadiarrak; bertara 2023an ailegatu zen. 90 partidatan 983 puntu lortu ondoren, Araskiren historian punturik gehien egin dituen bigarren jokalaria izanda uzten du taldea.
Olinpiakos, Euroligako txapeldun Real Madril garaituta (92-85)
Behar baino gehiago sufritu ondoren, txapeldunak errebantxa hartu du, duela hiru urteko finalean talde zuriaren aurka galdu ondoren.
Surne Bilbaok mendean hartu du Girona (86-80), eta play-offeko postua defendatuko du Tenerifen
Surne Bilbaok 86-80 menderatu du Girona Bilbao Arenan, eta play-offerako sailkapena jokatuko du azken jardunaldian Tenerifen. Gironak amaierara arte eutsi badio ere, Melwin Pantzarren partida bikainak eta azken laurdenean Darrun Hilliardek sartutako hiruko erabakigarriek etxekoen garaipena ziurtatu dute.
Normantasek, Krampeljek, Petrasekek eta Hilliardek 2028ra arte berritu dute Surne Bilbaorekin
Freyk, Hlinasonek, Fontek, Syllak eta Bagayokok ere indarrean dute kontratua. Pantzarren baja besterik ez dute baieztatu orain arte.
FIBA Europa Kopa irabazita, Surne Bilbao omendu dute Gernikan
FIBA Europako Kopa irabazi ondoren, Bilbao Basketi omenaldia egin diote Gernikako Batzarretxean. Aurreskua dantzatu diete Gernikako arbolaren aurrean, eta barrura sartu dira horren ostean.