Bilbao Basket, garaile RETAbet.es GBCren aurkako euskal derbian
Dominion Bilbao Basketek irabazi du RETAbet.es GBC taldearen aurka Bilbao Arenan jokatu duen euskal derbia (80-71). Garaipena oso garrantzitsua da talde bizkaitarrarentzat, playoff postuetan sartzeko lehian beharrezkoa baitzuten. Gipuzkoa Basketek, aldiz, gero eta zailago du datorren denboraldian Endesa Ligan jarraitzea.
Partida erritmo biziarekin hasi da, eta oso parekatua izan da lehen txanpan. Hasierako laurdenean, markagailuak ez du jaberik izan eta bi taldeek agindu egin dute uneren batean. Lehen laurdenaren azken txanpan, ordea, Bilbao Basket nagusi izan da, eta zortzi puntuko abantaila lortu du (30-22). Bigarren laurdenean, ez da gidoia aldatu. RETAbet.es GBC saiatu da aldeak murrizten, baina Dominion sendo egon da kantxan eta etxekoek aldeak mantentzea lortu dituzte. Partida, 47-38ko emaitzarekin iritsi da atsedenaldira.
Hirugarren laurdenean Gipuzkoa Basketek hobeto jokatu du, eta arazo gehiago eman dizkio Dominion Bilbao Basketi. Talde bizkaitarrak ez du eroso jokatu eta RETAbet.es GBCk aldeak murriztea lortu du laurden honetan (64-58). Bizkaitarren aldeko sei puntuko abantailarekin hasi da azken laurdena. Bilbao Basketek oso ondo jokatu ditu azken hamar minutuak eta ez dio inolako aukerarik eman Gipuzkoa Basketi. Amaieran, Dominion Bilbao Basketek lortu du garaipena, 80-71eko emaitzarekin.
Fitxa teknikoa:
80 - Dominion Bilbao Basket (30+17+17+16): Hannah (5), Bertans (18), Mumbrú (12), Hervelle (13) eta Bogris (11) -hasierako bostekoa-; Raul Lopez (6), Ruoff (5), Dejan Todorovic (3), Suarez, Begic (5), Slezas (2) eta Mendia.
71 - RETAbet.es GBC (22+17+19+13): Llompart (11), Txemi Urtasun (20), Travis Wear (8), Landry (8) eta Doblas (9) -hasierako bostekoa- Andres Rico (3), Grimau (7), Vrkic (3), Agbelese (2), Olaizola eta Motos.
Partzialak: 30-22, 47-39 (atsedenaldia); 64-58 eta 80-71 (amaiera).
Epaileak: Benjamin Jimenez, Oscar Perea eta Jordi Aliaga.
>
>
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Itziar Ariztimuñok 2027ra arte berritu du IDK Euskotrenekin
Antolatzaile bizkaitarra, 2025ean talde donostiarrera ailegatu zena, Azu Muguruzak gehien erabili duen jokalarietako bat izan da, IDK Euskotrenen eman duen lehenengo denboraldian.
Petrasekek 2028ra arte berritu du kontratua Surne Bilbaorekin
New Yorken jaio arren herritartasun poloniarra duen jokalariak denboraldi bakarra darama Bilbon, "baina bere tokia aurkitu du taldearen errotazioan eta jokalari garrantzitsua bihurtu da", talde bizkaitarrak nabarmendu duenez.
Endesa Ligako 33. jardunaldiaren 10 jokaldi onenak
Endesa Ligako 33. jardunaldia jokatu da jada, eta hemen bildu ditugu ligako jokaldirik onenak.
Sami Hillek ez du Araskin jarraituko
Azkeneko hiru denboraldiak Gasteizko taldean eman ditu jokalari kanadiarrak; bertara 2023an ailegatu zen. 90 partidatan 983 puntu lortu ondoren, Araskiren historian punturik gehien egin dituen bigarren jokalaria izanda uzten du taldea.
Olinpiakos, Euroligako txapeldun Real Madril garaituta (92-85)
Behar baino gehiago sufritu ondoren, txapeldunak errebantxa hartu du, duela hiru urteko finalean talde zuriaren aurka galdu ondoren.
Surne Bilbaok mendean hartu du Girona (86-80), eta play-offeko postua defendatuko du Tenerifen
Surne Bilbaok 86-80 menderatu du Girona Bilbao Arenan, eta play-offerako sailkapena jokatuko du azken jardunaldian Tenerifen. Gironak amaierara arte eutsi badio ere, Melwin Pantzarren partida bikainak eta azken laurdenean Darrun Hilliardek sartutako hiruko erabakigarriek etxekoen garaipena ziurtatu dute.
Normantasek, Krampeljek, Petrasekek eta Hilliardek 2028ra arte berritu dute Surne Bilbaorekin
Freyk, Hlinasonek, Fontek, Syllak eta Bagayokok ere indarrean dute kontratua. Pantzarren baja besterik ez dute baieztatu orain arte.
FIBA Europa Kopa irabazita, Surne Bilbao omendu dute Gernikan
FIBA Europako Kopa irabazi ondoren, Bilbao Basketi omenaldia egin diote Gernikako Batzarretxean. Aurreskua dantzatu diete Gernikako arbolaren aurrean, eta barrura sartu dira horren ostean.