Lagun Arok garaipen garrantzitsua lortu du Valladoliden aurka
Lagun Aro GBCk 94-78 irabazi dio Blancos de Rueda Valladolidi, eta denboraldiko laugarren garaipena lortu du. Partida hau irabazteak, maila mantentzeko itxaropena areagotzen du.
Sito Alonsok zuzentzen duen taldeak bikain ekin dio partidari, eta azkar hasi da abantailak hartzen. Jokalariek jarrera bikaina azaldu dute, eta bikain ibili dira defentsako eta erasoko lanean. Lehen hamar minutuak bukatu direnean, hamar puntuko aldea lortu du Gipuzkoa Basketek (25-15).
Bigarren laurdenean Lagun Aro ez da erlaxatu. Gipuzkoako taldea ez da urduri jarri, eta ez dio bere jokoa egiten utzi Blancos de Rueda Valladolidi. Gaztela eta Leongo taldea saiatu da atsedenaldia baino lehen aldeak murrizten, baina ezinean ibili da gipuzkoarrek defentsabn egin duten lan onari esker. Partida, 43-30eko emaitzarekin iritsi da atsedenaldira.
Gipuzkoa Basketek berdin jarraitu du atsedenalditik itzulita. Jokalariak adi eta partidan sartuta egon dira hasieratik. Sito Alonsok zuzentzen dituen mutilek ez diote erreaztasunik eman Blancos de Rueda Valladolidi, eta garaipena erabat bideratuta utzi dute hirugarren laurdenaren amaieran (66-50).
Azken laurdenean eroso jokatu du etxeko taldeak, eta erakustaldia eman du bere zaleen aurrean. Lagun Aroren jarraitzaileek asko gozatu dute bere taldearen jokoarekin, eta partida 94-78ko emaitzarekin bukatu da.
Fitxa teknikoa:
94 - Lagun Aro GBC (25+18+23+28): Neto (7), Papamakarios (12), Finley (18), Woods (19), Ibekwe (5)-hasierako bostekoa- Dani Diez, Doblas (19), Salgado (8), Paunic (2), Rubio (4).
78 - Blancos de Rueda Valladolid (15+15+20+28): Montañez (14), Renfroe (19), Grimau (2), Nacho Martin (15), Hunter (13)-hasierako bostekoa- Ewing Jr (7), Navarro (2), OŽLeary (6), Sinanovic, Cizauskas.
Epaileak: Perez Pizarro, Guirao eta Cardus.
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Lointek Gernikak IDK Euskotren menderatu du Gascan, derbian, luzapenean (72-73)
Hala, Lucas Fernandezen taldeak Endesa Ligan jarraitzeko aurrerapauso ia erabakigarria eman du; Azu Muguruzaren taldea, ordea, ezin izan da play-offeko postuetara gerturatu. Gainera, Araskik balio handiko garaipena eskuratu du Perfumerias Avenidaren kantxan (68-72).
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Lointek Gernikaren garaipena eta Kutxabank Araskiren eta IDK Euskotrenen porrotak 26. jardunaldian
Bizkaiko taldea izan da puntuak lortu dituen bakarra, eta Araskik jaitsiera postuetan jarraitzen du.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.