Helena eta Arai, 2025eko Euskotren Winter Serieseko txapeldunak
Helena Barrenetxeak eta Arai Lejardik irabazi dute 2025eko Euskotren Winter Series txapelketa, astelehenean, Durangoko Ezkurdi Jai Alain jokatutako finalean Elaia Gogenola eta Oaia Otaño bi jokotan mendean hartuta, 15-8 eta 15-4. Halaber, Banakako Seriesen, Aritz Erkiagak lortu du txapela janztea; izan ere, finalean, Johan Sorozabali gailendu zaio, hiru jokotan (8-12, 12-8 eta 0-5).
Euskotren Winter Serieseko finalean, Helenak eta Araik lehen joko oso ona egin dute, eta neurketako aurreneko puntua eskuratu dute, 15-8 gailenduta. Durangoko aurrelariak eta Markina-Xemeingo atzelariak hasieratik hartu dute aurrea markagailuan, lehenengo hiru tantoak lortuta, eta jokoaren amaierara arte izan dira aurretik. Elaiak eta Oaiak tanto polit batzuk egin dituzte, baina aurkariak sendoago ibili dira.
Helenak eta Araik lortutako abantailak mina egin die Elaiari eta Oaiari bigarren jokoan; Berriatuko aurrelariak eta Mutrikuko atzelariak ez dute ia aukerarik izan, eta une oro izan dira atzetik markagailuan. Helenak hainbat erremate eder egin ditu, eta, atzean, Araik norgehiagoka oso erregularra egin du, oso sendoa. 15-4 amaitu da bigarren jokoa, eta, horrenbestez, Helena Barrenetxeak eta Arai Lejardik jantzi dituzte txapelak; Helenak, horrez gain, puntistarik onenaren saria jaso du.
Markagailuaren bilakaera
1. jokoa: 1-0/2-0/3-0/3-1/3-2/4-2/5-2/6-2/7-2/8-2/ 8-3/9-3/9-4/9-5/10-5/11-5/12-5/13-5/14-5/14-6/14-7/14-8/15-8.
2. jokoa: 1-0/2-0/2-1/3-1/4-1/5-1/5-2/6-2/7-2/8-2/9-2/10-2/10-3/11-3/12-3/13-3/13-4/14-4/15-4.
Aritz Erkiaga, Banakako Serieseko txapeldun
Banakako Series txapelketari dagokionez, Aritz Erkiagak lortu du txapela janztea, gizonezkoen banakako txapelketako 2025eko ekitaldian; izan ere, finalean, Johan Sorozabal 2024ko txapelduna menderatu du. Ispasterrekoa hiru jokotan gailendu zaio Biarritzekoari, 8-12, 12-8 eta 0-5.
Erkiaga gehiago izan da lehenengo jokoan, baina, bigarrenean, Johanek erantzun egokia eman eta hirugarren jokoa behartu du, txapelduna erabakitzeko; hirugarren joko horretan, nolanahi ere, puntista bizkaitarra oso argi nagusitu da.
Zure interesekoa izan daiteke
Erika Mugartegi: “Sinetsi ezinda gaude oraindik; ea txapelketa gehiago egiten diren eta nesken zesta gehiago ikusten den”
Erika Mugartegi eta Frida Watkinsekin bildu gara Euskotren Winter Series txapelketa irabazi berritan. Oraindik sinetsi ezinda dauden arren, oso pozik daude lortutakoarekin. Aurtengo txapelketak emakumeen zestak aurreapausoak emateko balio izatea espero dute, hori baita beraien helburu eta nahia.
?fmt=webp-alpha&qlt=80)
Arai Lejardik eta Erika Mugartegik egin zituzten finaleko tantorik onenak
Arai Lejardi atzelariaren eta Erika Mugartegiren tanto hauek izan ziren Euskotren Winter Series finaleko tantorik ikusgarrienak. Araik, bi paretaz egin zuen, Erikak, berriz, errebotean bi.
Erika-Frida bikotea, txapeldun, Helena eta Arai finalean hiru jokotan mendean hartuta
Markinarrak eta zumaiarrak iazko txapeldunei 15-8, 4-15 eta 5-2 irabazi diete. Lau Winterretik hiru jokatu ditu Erikak, eta hiru-hirurak irabazi. Fridak, ordea, txapelketako lehen garaipena du.
Erika Mugartegi: “Hirugarren jokora bigarrena galduta iritsi gara; nahiko gaizki, egia esan, baina zerotik hasi gara"
Erika Mugartegik eta Frida Watkinsek hiru jokotan (15-8, 4-15 eta 5-2) mendean hartu dituzte iazko txapeldunak, Helena Barrenetxea eta Arai Lejardi, Euskotren Winter Serieseko finalean, Durangoko Ezkurdi pilotalekuan.
Erikak bere hirugarren txapela lortu du; Fridak, aurrenekoa
Erika Mugartegik eta Frida Watkinsek hiru jokotan (15-8, 4-15 eta 5-2) mendean hartu dituzte iazko txapeldunak, Helena Barrenetxea eta Arai Lejardi, Euskotren Winter Serieseko finalean, Durangoko Ezkurdi pilotalekuan. Gainera, Erikak jokalari onenaren saria jaso du EITBren eskutik.
Helena eta Arai txapeldunak finalean izango dira berriro, Ihart-Maia bikotea bi jokotan garaitu ondoren
Lehen joko parekatuan azken txanpan aurrea hartzea eta nagusitzea lortu dute iazko txapeldunek (13-15). Bigarrenean, aldiz, Araik eskuinaz agindu du, eta aise irabazi dute jokoa (6-15).
Arai Lejardi: “Aldeaz hasi gara eta horrek konfiantza ematen dizu”
Helena Barrenetxea eta Arai Lejardi Euskotren Winter Serieseko finalean sartu dira Ihar Arakistain eta Maia Goikoetxea bi jokotan garaituta (13-15 eta 6-15). Hortaz, Helena-Arai vs Erika-Frida izango da 2026ko Euskotren Ligako finaleko norgehiagoka.
?fmt=webp-alpha&qlt=80)
Elaia-Eneritz vs Erika-Frida finalerdiko hiru tanto onenak
Elaia-Eneritz vs Erika-Frida partida jokatu zen atzo Durangon, Euskotren Winter Serieseko finalerdietako lehen partida. Erika Mugartegik eta Elaia Gogenolak egin zituzten norgehiagokako tanto onenak, gozatu!
Elaia-Eneritz vs Erika-Frida finalerdiaren azken tantoa eta irabazleen adierazpenak
Erikak eta Fridak hiru jokotan (15-6, 8-15 eta 3-5) hartu dituzte mendean Elaia eta Eneritz Euskotren Winter Series txapelketako finalerdietan. Horrenbestez, Erikak eta Fridak finalerako txartela lortu dute.
Erikak eta Fridak finalerako txartela lortu dute, Elaiari eta Eneritzi hiru jokotan irabazita
Bikote garailea 15-6, 8-15 eta 3-5 nagusitu da txapelketako finalerdietan, Durangoko Ezkurdi pilotalekuan jokatutako neurketan. Halaber, Ezkurdi Master Seriesen, Erkiagak eta Atainek lortu dute finalerako sailkatzea.