Elaiak eta Oaiak Ihart eta Frida menderatu dituzte, eta Euskotren Winter Serieseko finalerako sailkatu dira
Elaia Gogenola eta Oaia Otaño 2025eko Euskotren Winter Serieseko final handirako sailkatu dira, txapelketako bigarren finalerdian Ihart Arakistain eta Frida Watkins mendean hartuta, hiru jokotan, 12-15, 15-4 eta 3-5, Ezkurdi Jai Alain, Durangon, astelehenean; horrenbestez, Elaiak eta Oaiak jokatuko dute martxoaren 24ko finala, Helena Barrenetxearen eta Arai Lejardiren aurka. Halaber, 2025eko Banakako Seriesen, Johan Sorozabal sailkatu da datorren astelehenean ere izango den final handirako; izan ere, txapelketako bigarren finalerdian, Jean Olharani gailendu zaio. Finalean, Aritz Erkiagaren aurka arituko da; izan ere, Xabi Barandikak zuen lortuta finala jokatzeko txartela, baina lesionatuta dabil.
Hala, Euskotren Winter Serieseko bigarren finalaurrekoan, Ihart eta Frida Elaia eta Oaia baino hobeto hasi dira, eta, aurreneko sei tantoak jokatuta, 5-1 ari ziren gailentzen. Baina Berriatuako aurrelaria eta Mutrikuko atzelaria berehala suspertu dira; 6-0eko partziala eginda, aurretik jarri dira, 5-7. Lehenengo jokoaren bigarren zatian, Elaia eta Oaia aurkariak baino hobeto aritu dira, eta, 12-15 irabazita, partidako lehen puntua poltsikoratu dute. Ezkurdin bildutako zaleek lau puntisten lanaz gozatzeko aukera izan dute pilotariak ikusi batituzte sendo, bizi, eta hori gutxi balitz bezala, erremate ikusgarriak egiten.
Bigarren jokoan, Ihart eta Frida oso nagusi izan dira. Sopelako aurrelariak eta Zumaiako atzelariak berehala hartu dute aurrea kantxan eta markagailuan, eta, hamaika tanto jarraian eginda, 4-4kotik, puntua erdietsi dute, eta hirugarren jokoa behartu dute, erabakigarria. Bigarren joko horretan, Elaiak eta Oaiak ezin izan diote eutsi aurrenekoan emandako maila bikainari.
Hala ere, Elaiak eta Olaiak erantzun ederra eman dute hirugarren jokoan. Ihart eta Frida baino gehiago izan dira, eta, 3-5 gailenduta, Euskotren Winter Serieseko finalerako bigarren txartela lortu dute; horretan, datorren astelehenean, Helena eta Arai izango dituzte aurkari.
Johan, Banakako Serieseko finalerako
Banakako Seriesen, txapelketako bigarren finalerdian, Johan Sorozabalek Jean Olharan menderatu du, bi jokotan, 12-6 eta 12-7, eta, ondorioz, finalerako sailkatu da. Biarrizko pilotaria Pauekoa baino gehiago izan da, eta merezita gailendu zaio horri.
Testuinguru horretan, Johanek aukera du Banakako Seriesen 2024an irabazitako txapela berreskuratzeko. Finalean, duela urtebete bezala, Aritz Erkiagaren kontra arituko da; izan ere, Xabi Barandikak eskuratu zuen finalerako txartela, Ispasterrekoa mendean hartuta, baina gernikarra lesionatu egin zen ostiralean, Gasteizen, Araba Euskaraz Jai Alai Master Seriesen, eta ezingo du jokatu.
Zure interesekoa izan daiteke
Erika Mugartegi: “Sinetsi ezinda gaude oraindik; ea txapelketa gehiago egiten diren eta nesken zesta gehiago ikusten den”
Erika Mugartegi eta Frida Watkinsekin bildu gara Euskotren Winter Series txapelketa irabazi berritan. Oraindik sinetsi ezinda dauden arren, oso pozik daude lortutakoarekin. Aurtengo txapelketak emakumeen zestak aurreapausoak emateko balio izatea espero dute, hori baita beraien helburu eta nahia.
?fmt=webp-alpha&qlt=80)
Arai Lejardik eta Erika Mugartegik egin zituzten finaleko tantorik onenak
Arai Lejardi atzelariaren eta Erika Mugartegiren tanto hauek izan ziren Euskotren Winter Series finaleko tantorik ikusgarrienak. Araik, bi paretaz egin zuen, Erikak, berriz, errebotean bi.
Erika-Frida bikotea, txapeldun, Helena eta Arai finalean hiru jokotan mendean hartuta
Markinarrak eta zumaiarrak iazko txapeldunei 15-8, 4-15 eta 5-2 irabazi diete. Lau Winterretik hiru jokatu ditu Erikak, eta hiru-hirurak irabazi. Fridak, ordea, txapelketako lehen garaipena du.
Erika Mugartegi: “Hirugarren jokora bigarrena galduta iritsi gara; nahiko gaizki, egia esan, baina zerotik hasi gara"
Erika Mugartegik eta Frida Watkinsek hiru jokotan (15-8, 4-15 eta 5-2) mendean hartu dituzte iazko txapeldunak, Helena Barrenetxea eta Arai Lejardi, Euskotren Winter Serieseko finalean, Durangoko Ezkurdi pilotalekuan.
Erikak bere hirugarren txapela lortu du; Fridak, aurrenekoa
Erika Mugartegik eta Frida Watkinsek hiru jokotan (15-8, 4-15 eta 5-2) mendean hartu dituzte iazko txapeldunak, Helena Barrenetxea eta Arai Lejardi, Euskotren Winter Serieseko finalean, Durangoko Ezkurdi pilotalekuan. Gainera, Erikak jokalari onenaren saria jaso du EITBren eskutik.
Helena eta Arai txapeldunak finalean izango dira berriro, Ihart-Maia bikotea bi jokotan garaitu ondoren
Lehen joko parekatuan azken txanpan aurrea hartzea eta nagusitzea lortu dute iazko txapeldunek (13-15). Bigarrenean, aldiz, Araik eskuinaz agindu du, eta aise irabazi dute jokoa (6-15).
Arai Lejardi: “Aldeaz hasi gara eta horrek konfiantza ematen dizu”
Helena Barrenetxea eta Arai Lejardi Euskotren Winter Serieseko finalean sartu dira Ihar Arakistain eta Maia Goikoetxea bi jokotan garaituta (13-15 eta 6-15). Hortaz, Helena-Arai vs Erika-Frida izango da 2026ko Euskotren Ligako finaleko norgehiagoka.
?fmt=webp-alpha&qlt=80)
Elaia-Eneritz vs Erika-Frida finalerdiko hiru tanto onenak
Elaia-Eneritz vs Erika-Frida partida jokatu zen atzo Durangon, Euskotren Winter Serieseko finalerdietako lehen partida. Erika Mugartegik eta Elaia Gogenolak egin zituzten norgehiagokako tanto onenak, gozatu!
Elaia-Eneritz vs Erika-Frida finalerdiaren azken tantoa eta irabazleen adierazpenak
Erikak eta Fridak hiru jokotan (15-6, 8-15 eta 3-5) hartu dituzte mendean Elaia eta Eneritz Euskotren Winter Series txapelketako finalerdietan. Horrenbestez, Erikak eta Fridak finalerako txartela lortu dute.
Erikak eta Fridak finalerako txartela lortu dute, Elaiari eta Eneritzi hiru jokotan irabazita
Bikote garailea 15-6, 8-15 eta 3-5 nagusitu da txapelketako finalerdietan, Durangoko Ezkurdi pilotalekuan jokatutako neurketan. Halaber, Ezkurdi Master Seriesen, Erkiagak eta Atainek lortu dute finalerako sailkatzea.